sinema

“The Shape of Water” triunfa iha prémiu ne'ebé fó hosi krítiku sira sinema EUA nian

SAPO TL, 12 de janeiru de 2018

  • AFP Photo@ Jean-Baptiste Lacroix

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

“The Shape of Water”, hosi mexikanu Guillermo del Toro, sai hanesan vensedor maka'as hosi Critics' Choice Awards, prémiu sira ne'ebé fó hos krítiku sira sinema nian iha Estadus Unidus, hodi konkista prémiu haat, inklui prémiu ba filmi ne'ebé di'ak liu no realizador ne'ebé di'ak liu.

Hafoin triunfu iha edisaun dala 23 hosi Critics' Choice Awards, ne'ebé nia serimónia akontese iha loron-kinta iha sidade Santa Mónica, iha Califórnia, filmi “The Shape of Water” hametin ona hanesan filmi favoritu ida hodi hetan Óscar, ne'ebé marka ba fulan-Marsu, hafoin hetan tiha iha loron-domingu Globu Osan-Mean rua.

Prémiu hosi atór di'ak liu hetan hosi Gary Oldman ("Darkest Hour") no atrís di'ak liu hetan hosi Frances McDormand (“Three Billboards Outside Ebbing, Missouri”).

“Coco”, hosi Lee Unkrich ho Adrian Molina, manán iha kategoria filmi animasaun nian no "In the Fade" (Alemaña ho Fransa), hosi Fatih Akin, hetan prémiu ba filmi estranjeiru ne'ebé di'ak liu, hanesan akontese ona iha Golden Globe.

Iha televizaun, “The Handmaid’s Tale” eleitu hanesan série dramátiku di'ak liu, “The Handmaid’s Tale” ba série komédia di'ak liu no “Big Little Lies” hetan prémiu ba minisérie di'ak liu. “The Wizard of Lies” manán iha kategoria filmi televizivu di'ak liu.

Prémiu ba atór di'ak liu hosi série dramátiku hetan hosi Sterling K. Brown (“This is Us”), atrís di'ak liu fó ba Elisabeth Moss (“The Handmaid’s Tale”).

Ted Danson (“The Good Place”) ho Rachel Brosnahan (“The Marvelous Mrs. Maisel”), ida-idak, manán iha kategoria sira reprezentasaun maskulinu no feminina di'ak liu hosi série komédia nian.

Ikusmai, Nicola Kidman eleitu nu'udar atrís di'ak liu hosi minisérie (“Big Little Lies”) ho Ewan McGregor (“Fargo”) nu'udar atór di'ak liu hosi kategoria hanesan.

Fonte: Lusa

komentáriu sira