sinema

“The Shape of Water” lidera nomeasaun sira Bafta nian, prémiu sinema hosi Reinu Unidu

SAPO TL, 09 de janeiru de 2018

  • Guillermo del Toro (Foto@ Mike Nelson/EPA)

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Filmi “The Shape of Water” hosi realizador mexikanu Guillermo del Toro lidera, ho nomeasaun 12, prémiu sira sinema hosi Reinu Unidu, Bafta, fó sai iha Londres iha loron-tersa ne'e.

Pelíkula, ne'ebé manán ona Globu Osan-Mean rua iha loron-domingu liubá, nomeadu iha kategoria sira ba filmi di'ak liu no realizador di'ak liu, no seluk tan.

Tuir "Three Billboards Outside Ebbing, Missouri" ho "Darkest Hour", ida-idak ho nomeasaun sia ba prémiu sira ne'ebé fó tinan-tinan hosi Akademia Sinema Reinu Unidu nian.

Ba filmi di'ak liu, aleinde “The Shape of Water”, kandidatu seluk maka "Three Billboards Outside Ebbing, Missouri", "Darkest Hour", “Dunkirk” ho "Call Me by Your Name".

Ba atór di'ak liu maka Daniel Day-Lewis, Gary Oldman, Daniel Kaluuya, Jamie Bell ho Timothee Chalamet.

Iha reprezentasaun femininu, kandidata sira ba atrís di'ak liu maka Annette Bening, Frances McDormand, Margot Robbie, Sally Hawkins ho Saoirse Ronan.

Bafta sira hanesan prémiu ne'ebé fó tinan-tinan hosi Akademia Sinema Reinu Unidu nian no serimónia entrega sei hala'o iha loron 18 Fevereiru, semana rua antes Óscar nian.

ho Lusa

komentáriu sira