sinema

"The Fast and the Furious" lakon nia klamar lahó Paul Walker, asumi hosi Michelle Rodriguez

SAPO TL, 14 de setembru de 2016

  • Paul Walker (Abril 2011). Foto@ Sergei Ilnitsky / EPA

  • Vin Diesel, Michelle Rodríguez, Paul Walker & Jordana Brewster (Março 2009). Foto@ Moisés Pablo /EPA

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atrís admiti katak trajédia mós muda ona saga no katak presiza duni hetan razaun seluk hodi kontinua.

Michelle Rodriguez laiha dúvida: Paul Walker nia mate la'ós de'it hanesan devastadór maibé mós halo "The Fast and the Furious" lakon nia fuan no nia klamar.

"Paul hanesan saga nia fuan, nia hanesan ema ida ne'ebé gosta duni jéneru, hadomi estilu moris ne'e", afirma hosi atrís ne'ebé interpreta Letty ba revista People.

"No laiha tan relasaun domin ne'e ho karreta sira no ho estilu moris ne'e halakon ona aspetu ida hosi klamar saga nian no halo ami tomak triste no ami hotu hatene", nia hatutan.

Maski nune'e, atrís hatete katak "The Fast and the Furious" tenki ultrapasa trajédia hosi Paul Walker nia mate iha fulan-Novembru 2013 ho tinan 40 (iha loron 12 Setembru liubá bainhira nia moris selebra tinan 43), tanba sai haneasn importante tebes duké kualkér atór hosi saga ne'e.

"Ita moris iha tempu ne'ebé laiha saga sira oinseluk hosi jéneru super-herói sira no fiksaun sientífiku sira ne'ebé ko'alia duni kona-ba falta multikulturalizmu. Iha nível ne'e la hetan filmi ida ho millaun 159 ho ema latinu ida, ema metan ida, ema aziátiku ida".

"Bainhira ami lakohi halo rasik ba ami nia aan, no bainhira ami la halo de'it tanba osan, entaun ami tenki halo ho razaun seluk - no ne'e maka hanesan ami nia razaun... ami prenxe mamuk ida iha merkadu ne'ebé laiha ema ida tan atu prenxe".

Rodriguez defende katak ne'e maka "halo ami kontinu no mantén saga tomak hodi moris".

Fonte: SAPO Mag

komentáriu sira