sinema

Telenovela brazileiru “Verdades Secretas” manán Emmy Internacional

SAPO TL, 22 de novembru de 2016

  • Foto@ Andrew Gombert / EPA

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Telenovela brazileiru “Verdades Secretas” konkista ona Emmy Internacional iha nia kategoria iha loron-segunda kalan.

“Verdades Secretas”, ne'ebé iha Portugal hatudu iha SIC, konkore ho produsaun seluk hosi TV Globo - “A Regra do Jogo”, hosi João Emanuel Carneiro, no ho produsaun rua seluk (ida kanadianu no ida filipinu).

Ho total ida nomeadu hamutuk 40 hosi nasaun 15 ne'ebé konkore iha kategoria sanulu Emmy Internacional - ne'ebé fó prémiu ba produsaun di'ak sira ba televizaun iha mundu tomak, la konta ho Estadus Unidus. Prémiu sira tinan ne'e nian entrega ona iha loron-segunda kalan iha Nova Iorke.

Brazil lidera nomeasaun sira (hamutuk hitu), tuir Reinu Unidu (ho neen).

Prémiu ba atór di'ak liu fó ba norte-amerikanu Dustin Hoffman (“Roald Dahl’s Esio Trot”) no atrís di'ak liu fó ba británika Christiane Paul (“Under the radar”).

Produsaun britániku “Hoff the Record”, ho David Hasselhoff, manán ona iha kategoria komédia no "Capital" premiadu iha filmi televizivu/minisérie di'ak liu.

ho Lusa

komentáriu sira