sinema

Sinema sira iha mundu tomak aumenta espetador sira

SAPO TL, 24 de marsu de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Sala sira sinema nian iha mundu tomak hetan ona osan euro biliaun 34,1 hosi reseita billeteira iha 2016, ne'ebé reprezenta aumentu ki'ik ida kona-ba tinan anterior, fó sai hosi Asosiasaun Sinema Estadus Unidus nian.

Relatóriu anual estatístiku kona-ba konsumu global sinema nian iha sala, ne'ebé fó sai iha loron-kuarta, hatudu katak reseita hosi billeteira sira hosi ezibisaun komersial kontinua aumenta, maski neineik, akompaña mós aumentu hosi sala sira sinema nian ba total ida rihun 164.

"Aumentu ne'ebé akontese nafatin hosi reseita billeteira nian hatudu katak sala sinema nian kontinua hanesan opsaun dahuluk hosi espetador sira nian hodi experimenta haree istória di'ak ida", afirma hosi Chris Dodd, diretór hosi asosiasaun ne'e.

Sinema sira iha Estadus Unidus ho Kanadá, ne'ebé hamutuk hanesan rejiaun líder hosi merkadu internasional, rejista ona aumentu ida hosi reseita sira ba total ida euro biliaun 10,5, maibé Xina, iha fatin daruak iha ezibisaun sinema nian, lakon ona ho de'it euro biliaun 6,1.

Iha Eropa, Médiu Oriente ho Áfrika, reseita sira billeteira nian tuun 2% iha 2016 ba euro biliaun 8,8 tanba diminuisaun sira ne'ebé hetan iha nasaun sira hanesan Reinu Unidu no Alemaña.

Iha relatóriu, asosiasaun hatete katak iha razaun sira atu senti otimizmu kona-ba futuru, tanba iha joven barak maka ba sinema. Iha média, espetador sira entre tinan 18 no tinan 24 ba sinema dala neen iha tinan ida nia laran.

Iha Amérika Latinu, nasaun ne'ebé hetan liu reseita billeteira maka'as, ho euro millaun 741, maka Méxiko, halakon Brazil (ho euro millaun 649). 

Iha fulan-Fevereiru, Observatóriu Europeu ba Audiovizual fó sai tiha ona katak, iha parte europeu, sala sira sinema nian rejista ona espetador hamutuk millaun 994 no euro biliaun 7,204.

Iha tinan 2016, sala sira portugés sinema nian hetan ona espetador hamutuk millaun 14,8 no reseita brutu hosi billeteira hamutuk euro millaun 76,6.

Fonte: SAPO Mag

komentáriu sira