sinema

Realizadora Nadine Labaki prezidi júri hosi "Un Certain Regard" iha festival Cannes

SAPO TL, 26 de marsu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Realizadora libaneza Nadine Labaki sei prezidi júri hosi programa "Un Certain Regard" hosi Festival Sinema Cannes nian, iha Maiu iha Fransa, anunsia ona iha loron-tersa ne'e.

Sineasta fila fali ba festival, agora nu'udar júri, liutiha tinan ida hafoin hetan tiha prémiu tolu ho drama "Cafarnaum", filmi ida kona-ba pobrezza no mizéria iha Líbano.

Programa "Un Certain Regard" hala'o iha tempu hanesan ho festival Cannes, kria iha tinan 1978 no inklui prémiu ida ho osan euro rihun 30.

Iha sesaun ne'e maka, iha tinan 2018, João Salaviza ho Renée Nader Messora simu ona prémiu júri nian ho filme "Chuva é cantoria na aldeia dos mortos".

Festival Sinema Cannes nian ba dala 72 sei hala'o hosi loron 14 to'o 25 Maiu no programasaun ofisial sei fó sai iha fulan-Abril nia laran.

Aleinde prezensa hosi Nadine Labaki, hatene ona katak júri hosi kompetisaun ofisial sei prezidi hosi realizador mexikanu Alejandro Gonzaléz Iñárritu.

Fonte: Ajénsia Lusa

komentáriu sira