sinema

Realizador Francisco Manso hakarak halo metrajen-naruk kona-ba okupasaun japuneza iha Timor

SAPO TL, 09 de marsu de 2017

  • Foto@António Casais

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Realizador portugés Francisco Manso hakarak halo metrajen-naruk ida kona-ba okupasaun japuneza iha Timor durante funu mundial daruak, bazeia iha livru "O Diário do Tenente Pires", hosi António Monteiro Cardoso, nia hatete rasik ba Lusa.

Filmi fiksaun hakarak hatudu "asaun violentu ne'e, bainhira ema japunés sira okupa Timor, tanba sira hafoin ne'e hakarak invade norte Austrália nian", realizador ne'e hatete.

"Ema japunés sira hela iha tempu balun iha Timor no halo buat aat sira, oho ema timoroan rihun resin, harii kampu sira konsentrasaun nian ba ema portugés balun ne'ebé hela iha tempu ne'ebá, lahó defeza ida, tanba bainhira sira husu arma sira ba Salazar, nia nonook, tanba lakohi hamosu problema iha ne'ebá", nia hatete.

Iha períudu ne'e, "ema rihun resin mate", hatete hosi Francisco Manso.

Rezisténsia garanti ona hosi ema australian hamutuk na'in 300, halo parte iha grupu ho naran "Forsa S, hanesan paramilitar sira" ne'ebé "hamosu luta guerilla ida hasoru ema japunés rihun resin".

Ema australianu sira hetan apoiu hosi timoroan no mós portugés sira, "ne'ebé konsidera ona hanesan traidor iha Portugal no haruka ba Timor, maibé sira ne'e hanesan patriota loloos tanba tenta defende Timor hasoru okupasaun estranjeiru ida".

Tenente Pires, ema portugés, "mate iha ne'ebá", hafoin japunés sira kaer no nia tama iha kampu konsentrasaun ida.

Realizador hatutan katak, obra "hatudu saida maka teritóriu ki'ik terus iha tempu naruk nia laran, ho okupasaun oioin hosi ema muskuladu no brutu no hosi poténsia rejional sira".

Ba Francisco Manso, hanesan "milagre ida oinsá sira bele rezisti ba buat sira ne'e".

"Ha'u hein katak okupasaun indonéziu hanesan faze aat ikus ba povu timoroan. Sira iha parte seluk ne'ebé ksolok tebes. Maioria hanesan ema joven liu. Sente duni katak iha esperansa ida ne'ebé la'o no di'ak tebes atu sira labele hetan deziluzaun ho evolusaun polítika", nia komenta.

Realizador, ne'ebé admiti katak projetu hanesan karun no presiza envolve Austrália, hatete katak argumentu hosi obra ne'e halo ona maibé aponta tinan 2018 hanesan tinan hodi hala'o abordajen no peskiza dahuluk sira.

Realizador prepara hela ba, iha fulan hirak tuirmai, halo filmajen iha Cabo Verde ba adaptasaun hosi livru "Os Dois Irmãos", ne'ebé hakerek hosi eskritor kabu-verdianu Germano Almeida, koprodusaun ida luzu-kabu-verdianu nain ho partisipasaun exkluzivu hosi ator sira arkipélagu nain no hakarak projeta sinema no audiovizual nasaun nian.

ho Lusa

komentáriu sira