sinema

Ramos-Horta sei halo protestu tanba retratu Timor-Leste nian iha série norte-amerikanu

SAPO TL, 09 de outubru de 2017

  • Série Madam Secretary

  • José Ramos-Horta

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Ministru timoroan José Ramos-Horta sei aprezenta protestu formal ida tanba retratu ne'ebé halo kona-ba Timor-Leste hanesan nasaun ida ne'ebé kontroladu hosi grupu ida droga mexikanu nian, relasionadu ho temporada foun hosi série fiksaun norte-amerikanu nian, Madam Secretary.

Timor-Leste domina asaun hosi epizódiu foun hosi temporada foun série hosi fiksaun polítika hosi CBS ne'ebé kahur ho faktu real sira - hanesan atual konflitu kona-ba fronteira tasi nian ho Austrália - ho sala balun (tau konflitu ne'e iha Tasi Súl Xina nian) no ho retratu "abuzivu" ida nasaun nian.

"Ne'e hatudu de'it grupu ida hosi ema ignorante sira ne'ebé maka hela iha Estadus Unidus bainhira Timor-Leste situa dook tebes hosi Xina, laiha fronteira ruma ho Xina", hatete hosi ministru Estadu, José Ramos-Horta, hatete ba Lusa.

"Ha'u sei haree ho ha'u nia belun sira hosi Estadus Unidus no ema sira hosi Hollywood hodi protesta hasoru asaun ne'e. Hanesan difamasaun ida hasoru nasaun ida, ne'ebé hatudu de'it ignoránsia no rasizmu", nia afirma.

Epizódiu hahú ho personajen prinsipal, Elisabeth MCourt (ne'ebé interpreta hosi atríz Tea Leoni), to'o iha ONU no interompe hosi visi-ministru Negósiu Estranjeiru timoroan nian, Rogério Bento (interpretadu hosi Raúl Aranas) hanesan ema ne'ebé delegasaun norte-amerikanu promete kontaktu posterior ida.

Asesor ida esplika katak interpelasaun ne'e "karik iha ligasaun ho konflitu fronteira tasi nian entre Timor-Leste ho Austrália iha Tasi Súl Xina nian".

Iha epizódiu, Timor-Leste karakterizadu hanesan nasaun ida ne'ebé kontrola hosi grupu mexikanu ida droga nian ne'ebé uza teritóriu hanesan sentru distribuisaun ida nian.

Ikusmai EUA husu ba Xina hodi halo asaun, ajuda kaer líder hosi grupu droga nian hodi evita atu "Timor-Leste sai hanesan narko-Estadu ida".

ho Lusa

komentáriu sira