sinema

Produtor sinema Harvey Weinstein entrega aan ba autoridade sira

SAPO TL, 25 de maiu de 2018

  • Harvey Weinstein & Georgina Chapman

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Produtor norte-amerikanu sinema nian Harvey Weinstein entrega aan, iha loron-sesta ne'e, ba autoridade sira iha Nova Iorke, iha ámbitu hosi investigasaun judisial ida kona-ba agresaun no abuzu seksual.

Imprensa norte-amerikanu fó sai ona iha notísia loron-kinta katak Harvey Weinstein sei aprezenta iha loron-sesta ne'e ba autoridade judisial sira iha Nova Iorke, ne'ebé akontese ona iha tuku 07:00 (oras lokal) iha Manhattan, la fó deklarasaun ida bainhira to'o iha fatin.

Akuzasaun dahuluk sira ba agresaun seksual no violasaun sira hasoru produtor ho tinan 66 ne'e mosu iha fulan-Outubru tinan 2017, iha ámbitu hosi movimentu #MeToo, iha Hollywood, ne'ebé halo nia vítima sira identifika aan no divulga ba públiku kona-ba abuzu sira ne'ebé maka sira hetan.

Fonte sira ne'ebé iha ligasaun ba investigasaun afirma ba Associated Press katak Weinstein bele hetan akuzasaun formal hosi, pelumenus, krimi seksual ida ne'ebé akontese iha tinan 2004.

Hanesan kesar ida ne'ebé aprezenta hosi Lucia Evans, atrís ida ne'ebé estreia iha momentu ne'ebá, ne'ebé afirma katak produtor obriga nia halo seksu oral.

Iha total, feto atus resin maka sai sasin katak produtor hosi Hollywood halo abuzu seksual ba sira, eskándalu ida ne'ebé hamosu kampaña #Time’sUp, ne'ebé halo mane barak maka tuun hosi fatin sira ne'ebé iha poder hosi área oioin.

Fonte: Agência Lusa

komentáriu sira