sinema

Prinseza sira Disney nian prejudika auto-estima labarik sira nian

SAPO TL, 28 de juñu de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Estudu foun hatudu katak "kultura prinseza" nian ne'ebé Disney halo limita esperiénsia sira no aumenta problema sira auto-estima iha labarik sira.

Ba haree filmi animasaun sira Disney nian hanesan tradisaun ida ne'ebé halo hosi aman-inan sira ba oan sira, maibé afinal la'ós seguru: sira ajuda hametin limiti sira hosi estereótipu sira ba joven feto sira no kontribui ba sira nia problema auto-estima nian.

Ne'e hanesan konkluzaun hosi estudu "Bonita hanesan Prinseza ida", hosi Sarah M. Coyne, hosi Universidade Brigham Young, ne'ebé investiga ona efeitu perzervu sira hosi marketing "kultura prinseza" Disney nian.

Kuaze labarik na'in 200, mane no mós feto sira, sai hanesan objetu hosi estudu kona-ba oinsá nia komportamentu hetan influénsia hosi nia konsumu materiál hosi prinseza sira Disney nian, marka ida ne'ebé hahú iha tinan 2000 no halo Disney hetan osan dolár billiaun 5,5 resin hahú hosi reseita sira fa'an brinkedu sira, jogu sira, ropa sira no asesóriu moda sira seluk maibé hetan nafatin krítika maka'as.

"Ita hatene katak labarik-feto ne'ebé tuir maka'as modelu femininu senti katak labele halo buat ne'ebé hanesan", esklarese autora. "Laiha konfiansa maka'as ne'ebé bele di'ak iha matemátika no siénsia. La gosta halo foer, nune'e ladún provável atu sira tenta no esperimenta halo buat sira".

"Prinseza sira hosi Disney reprezenta mós ezemplu dahuluk sira hosi espozisaun ba hanoin isin lotuk nian. Bainhira feto, ita tenki hasoru iha moris tomak no iha loloos ne'e hahú iha nível prinseza sira Disney nian, ho tinan tolu ka haat", nia hatete no hatutan katak ideia ne'e bele sai liuliu prejudisial ba labarik-feto sira ho problema sira auto-estima nian ne'ebé sei sai vulnerável sira hodi bele influénsia ho imajen ne'e.

Ida maka prinseza eskoseza Merida hosi "Brave" ne'ebé nia imajen glamoroza sai ona polémika bainhira filmi ne'e estreia.

"Ha'u lori ha'u nia oan-feto ba haree no hafoin ne'e ami ko'alia kona-ba oinsá prinseza hanesan forte, aten-barani no independente iha filmi. No iha marketing, Disney halo nia sai lotuk, seksualiza prinseza, hasai tiha nia arku no flexa, halo makillajen ba prinseza...halo nia sai femininu", Sarah Coyne hatete.

Fonte: SAPO Mag

komentáriu sira