sinema

Muzikal "La La Land" manán nomeasaun lima hosi nomeasaun sia BAFTA nian

SAPO TL, 13 de fevereiru de 2017

  • Justin Hurwitz (Foto@ Andy Rain/EPA)

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Muzikal "La La Land" manán ona, iha loron-domingu ne'e, iha edisaun dala 70 ba prémiu sira hosi Akademia Britániku Sinema no Televizaun nian, BAFTa ba filmi di'ak liu no sai hanesan vensedór kalan nian ho prémiu lima.

Filmi, hakerek no diriji hosi norte-amerikanu Damien Chazelle, no ne'ebé konta istória domin no jazz entre Mia (Emma Stone) ho Sebastian (Ryan Gosling) iha Los Angeles, halakon “Moonlight”, hosi Barry Jenkins, “Arrival”, hosi Denis Villeneuve, “I, Daniel Blake”, hosi Ken Loach, ho “Manchester by the sea”, hosi Kenneth Lonergan.

"La La Land" manán ona prémiu lima hosi prémiu sira ne'ebé maka nia tama hanesan nomeadu.

Iha filmi di'ak liu, iha mós prémiu BAFTA ba realizadór di'ak nia, atrís prinsipal di'ak nian, múzika di'ak liu (Justin Hurwitz) ho fotografia di'ak liu (Linus Sandgren), fó sai iha serimónia ne'ebé halo iha Royal Albert Hall, iha Londres.

Favoritu daruak iha kalan serimónia, filmi "Nocturnal Animals" hosi Tom Ford ne'ebé tama mós iha nomeasaun sia maibé la simu prémiu ida.

“Manchester by the sea” hetan prémiu sira ba atór prinsipal di'ak liu (Casey Affleck) no argumentu orijinal di'ak liu.

Filmi "Lion" konsege mós prémiu rua BAFTA nian: atór sekundáriu di'ak liu (Dev Patel) ho argumentu adaptadu di'ak liu.

Haree trailer hosi muzikal "La La Land":

ho Lusa

Artigu Relasionadu:

Muzikal "La La Land" lidera prémiu sira Óscar nian ho nomeasaun hamutuk 14

komentáriu sira