sinema

Muzikal "La La Land" lidera prémiu sira Óscar nian ho nomeasaun hamutuk 14

SAPO TL, 24 de janeiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Muzikal "La La Land", hosi Damien Chazelle, iha nomeasaun hamutuk 14 ba prémiu sira Óscar nian, hosi sinema, fó sai hosi Akademia Arte ho Siénsia Sinematográfiku Estadus Unidus nian iha loron-tersa ne'e.

Filmi nomeadu iha maioria hosi kategoria sira prémiu nian, inklui Original Screenplay, Best Picture, Original Score ho Cinematography, iha mós nomeasaun duplu ba knananuk di'ak liu no ba Actor in a Leading Role ho Actress in a Leading Role, ho par Ryan Gosling ho Emma Stone.

"La La Land", tributu ida ba sinema Hollywood nian, ho istória domin ida entre atrís ida ho múziku ida, hetan nune'e númeru hanesan ba nomeasaun sira ho filmi sira "Titanic" (1997) ho "Eva" (1950).

BBC fó hanoin katak filmi ne'e halakon ona nomeasaun 13 hosi muzikal "Mary Popppins" (1964).

Iha kategoria "realizasaun di'ak liu" nomeadu sira maka Damien Chazelle, Tom Ford ("Nocturnal Animals"), Barry Jenkins ("Moonlight") ho Kenneth Lonergan ("Manchester by the sea") - sira hotu hanesan hetan nomeasaun ba dala uluk - no mós Mel Gibson ("Hacksaw Ridge").

Ba filmi di'ak liu nomeadu sira maka "Arrival", "Fences", "Hacksaw Ridge", "Hell or High Water", "La La Land", "Lion", "Manchester by the sea" ho "Moonlight".

Tau hamutuk nomeasaun sira, filmi sira "Arrival", 'thriller' hosi fiksaun sientífiku Denis Villeneuve nian, no "Moonlight", drama hosi Barry Jerkins, empata iha kategoria ualu, bainhira "Hacksaw Ridge" hosi Mel Gibson iha de'it hitu.

"Manchester by the sea" no mós "Lion" iha, ida-idak, ho nomeasaun neen.

Dook hosi kategoria prinsipal sira, filmi "Silence" hosi Martin Scorsese tama de'it iha kategoria Cinematography.

Konkorénsia ba Actor in a Leading Role maka Ryan Gosling, Casey Affleck ("Manchester by the sea"), Andrew Garfield ("Hacksaw Ridge"), Viggo Mortensen ("Captain Fantastic") e Denzel Washington ("Fences").

Iha kategoria Actress in a Leading Role iha Isabelle Huppert ("Elle"), Meryl Streep - nomeada ba dala 20 ho "Florence Foster Jenkins" -, Natalie Portman ("Jackie"), Ruth Negga ("Loving") ho Emma Stone.

Ba Foreign Language Film, filmi lahó lian inglés, nomeasaun sira maka "Toni Erdman" (Alemaña), "Under sandet" (Dinamarka), "En man som heter Ove" (Suécia), "Tanna" (Austrália) ho "The Salesman" (Iraun).

"Moana", "Kubo and the Two Strings", "My Life as a Zucchini", "Zootopia" ho "The Red Turtle" tama iha nomeasaun ba Animated Feature.

Serimónia Óscar nian ba dala 89 marka ba loron 26 Fevereiru, iha Los Angeles, ho aprezentasaun hosi Jimmy Kimmel.

Óscar sira fó hosi Akademia Arte no Siénsia Sinematográfiku sira Estadus Unidus nian.

ho Lusa

Os Óscares são atribuídos pela Academia de Artes e Ciências Cinematográficas dos Estados Unidos.

com Lusa

komentáriu sira