sinema

Mike Tyson treina hela Jamie Foxx ba papel foun ida

SAPO TL, 14 de setembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Jamie Foxx hasai daudaun nia parte "rezistente". Atór hetan daudaun treinu hosi eis-lutador boxe nian, Mike Tyson, hodi interpreta papel foun ida - filmi ida kona-ba kampeaun boxe nia moris.

"Jamie asina ona kontratu, maibé gravasaun sira seidauk hahú. Maibé sei halo duni filmi ne'e", Tyson hatete iha entrevista ba jornal The Sun.

Mike hatutan katak filmi sei bele iha imajen ne'ebé bele toka ba sensibilidade, tanba, maski nia moris marka ho desportu, lutador tama iha kadeia durante tinan neen tanba halo violasaun ida. "Ema barak sei la gosta ba buat sira ne'ebé ha'u halo ona iha ha'u nia moris", nia hatete.

Maski iha ring laran, nia kareira iha momentu dramátiku balun - hanesan bainhira nia aranka pedasuk balun hosi Evander Holyfield nia tilun durante luta ida.

Tuir publikasaun hanesan, filmi ne'e sei halo hosi Martin Scorsese no seidauk defini loron lansamentu nian iha sinema.

Fonte: NM /SAPO Lifestyle

komentáriu sira