sinema

Matt Damon nia épiku hanesan susesu billeteira ida iha Xina

SAPO TL, 21 de dezembru de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

"The Great Wal" hanesan teste boot ida ba indústria sinema nian iha Hollywood no mós iha Xina, maibé karik batalla iha billeteira sira mana'an tiha ona.

"The Great Wal" iha estreia di'ak tebes iha findesemana ne'e iha billeteira xinés sira nian, ho reseita besik yuan millaun 478, besik euro millaun 66.

Krítiku lokal sira ladún hatudu entuziasmaduc maibé dezempeñu komersial hosi épiku ne'e akompãna daudaun hanesan teste ida iha indústria sinema hosi nasaun rua ne'e hodi hatene karik ko-produsaun entre Estadus Unidus ho Xina bele iha susesu hamutuk ho espetador sira iha merkadu internasional sira.

Apoiu hosi nasaun boot aziátiku mós maka'as tebes: iha orsamentu ida ho folin dolar millaun 150 nune'e sai hanesan filmi xinés ida ne'ebé karun liu no Wanda, proprietáriu boot hosi sala sira sinema nian, rezerva ona 60% hosi nia kapasidade.

Épiku akompaña mersenáriu europeu ida, interpreta hosi Matt Damon, ne'ebé kaer iha The Great Wal Xina no hafoin ne'e hamutuk ho soldadu sira hosi duni sai monstru misteriozu sira.

Atór amerikanu hamutuk mós ho "ema osidental sira" Pedro Pascal ho Willem Dafoe, maibé elenku inklui atór koñesidu oioin lokal hanesan Andy Lau ho Lu Han. Iha realizasaun iha sineasta Zhang Yimou, ne'ebé halo ona "Da hong deng long gao gao gua", "Herói" ho "Shi mian mai fu", ne'ebé Damon hatete katak hanesan razaun loloos ida ne'ebé halo nia gosta ba projetu.

Fonte: SAPO Mag

komentáriu sira