sinema

Mate ona Richard Williams kriador hosi personajen Roger Rabbit iha sinema

SAPO TL, 19 de agostu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Ilustrador ho animador kanadianu Richard Williams, kriador hosi personajen Roger Rabbit, mate ona iha loron-sesta, iha Reinu Unidu, ho tinan 86, anunsia família hosi artista ne'ebé hetan prémiu Óscar dala tolu.

Moris iha Toronto, Kanadá, muda ba Reinu Unidu iha dékada tinan 1950 no mate iha Bristol, nia hela fatin, haktuir hosi família.

Williams uluk sai hanesan diretor hosi animasaun filmi "Who Framed Roger Rabbit?", diriji hosi Robert Zemeckis, no kria ona personajen sira Roger ho Jessica Rabbit.

Konkista mós prémiu Bafta tolu ne'ebé fó hosi Akademia Sinema Británika, aleinde partisipa iha filmi sira seluk hanesan komédia "O regresso da Pantera Cor de Rosa" ho "Casino Royal".

Nia filmi dahuluk "The Little Island", kria iha tinan 1958, halo nia hetan prémiu Bafta ida no iha tinan 1971 nia adaptasaun ba sinema hosi "Konto Natal ida" hosi Charles Dickens halo nia konkista ona Óscar dahuluk hosi Kurta-Metrajen Animasaun Di'ak Liu.

Durante nia kareira halo ona ´masterclass´ oioin kona-ba animasaun, no husik ona livru ida kona-ba nia arte ho títulu "The Animator's Survival Kit" ne'ebé konsidera importante ba profisional sira hosi área.

Fonte: Ajénsia Lusa

komentáriu sira