sinema

Mate ona realizador norte-amerikanu John Singleton

SAPO TL, 30 de abril de 2019

  • John Singleton

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Mate ona realizador norte-amerikanu John Singleton, ho tinan 51, horseik, hafoin semana rua iha koma tanba enfarte ida, avansa hosi Ajence France Presse (AFP) ne'ebé haktuir komunikadu ida hosi família.

John Singleton iha koma nia laran dezde loron 17 Abril liubá, bainhira sofre enfarte ida ne'ebé mosu tanba hipertensaun, no família desidi desliga horseik mákina ne'ebé mantén nia moris, haktuir hosi informasaun sira AFP nian.

Ho de'it tinan 22, John Singleton realiza ona “Boyz n the Hood” ne'ebé iha Portugal estreia ho naran “A Malta do Bairro”.

Filmi, iha inísiu dékada 90 nian, halo nia hetan nomeasaun ba Óscar ba Realizasaun Di'ak no Argumentu Orijinal Di'ak, halo Singleton sai hanesan joven realizador liu ne'ebé tama iha nomeasaun, nune'e mós hanesan diretor metan dahuluk ne'ebé maka indikadu ba Óscar.

"Boyz n the Hood" hatudu parte violentu liu hosi gang sira hosi Los Angeles, nune'e mós moris iha bairu sira metan nian iha sidade no represaun indiskriminadu.

"Ohin loron ami nia fuan sira hanesan todan", hatete hosi prezidente hosi Asosiasaun Diretor Amerikanu sira nian, Thomas Schlamme, hodi konfirma John Singleton nia mate.

Fonte: Ajénsia Lusa

komentáriu sira