sinema

Mate ona Peter Mayhew, atór ne'ebé interpreta Chewbacca iha Star Wars

SAPO TL, 03 de maiu de 2019

  • Peter Mayhew

  • Chewbacca

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atór britániku Peter Mayhew, koñesidu tanba interpreta Chewbacca iha filmi sira Star Wars nian, mate ona ho tinan 74, hatete hosi nia família iha loron-kinta.

Mayhew mate iha nia uma iha norte Texas nian iha loron-tersa, haktuir hosi komunikadu ida ne'ebé divulga iha loron-kinta kalan hosi nia atór nia família maibé la informa kona-ba nia kauza mate nian.

Atór estreia iha filmi "Star Wars: Episode IV - A new hope", iha tinan 1977, interpreta Chewbacca, ‘Wookie’ ida, ne'ebé akompaña kontrabandista Han Solo, interpreta hosi atór Harrison Ford.

Peter Mayhew interpreta Chewbacca iha filmi rua seluk hosi trilojia nian no ikusmai iha "Star Wars: Episode III - Revenge of the Sith".

"Peter Mayhew hanesan ema jentil ida no ho dignidade boot no karáter nobre", hatete hosi Harrison Ford iha komunikadu.

"Aspetu sira ne'e hosi nia personalidade, aleinde nia sagasidade no grasa, nia lori ba Chewbacca. Ami hanesan ona parseiru sira iha sinema no belun sira iha moris durante tinan 30 resin no ha'u hadomi nia", nia hakotu.

Fonte: Ajénsia Lusa

komentáriu sira