sinema

Mate ona atrís norte-amerikanu Doris Day, lian hosi "Che Será Será"

SAPO TL, 14 de maiu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atrís norte-amerikanu Doris Day, koñesidu hosi partisipasaun iha filmi sira hanesan "The Pajama Game" ho "The Man Who Knew Too Much", mate ona iha loron-segunda ne'e, ho tinan 97, iha nia uma iha Carmel Valley, Califórnia, anunsia hosi nia fundasaun.

Tuir Doris Day Animal Foundation, atrís "ne'ebé akompaña hosi nia belun sira ne'ebé besik nia, hetan ona benefísiu hosi kondisaun fíziku di'ak sira, ba nia idade, to'o hetan pneumonia ida foin lalais ne'e".

Moris iha Cincinnatti, iha Estadus Unidus, iha 03 Abril 1922, iha orijen hosi imigrante alemaun sira, Doris Day - Doris Mary Kappelhoff - partisipa ona iha filmi hamutuk 60 resin no série sira televizaun nian, durante kuaze dékada haat resin, hodi afirma hanesan atrís sira ne'ebé koñesidu liu no kantora sira hosi grupu "tinan osan-mean Hollywood nian" hafoin Funu Mundial Daruak.

Doris Day estreia iha sinema iha "Romance on the High Seas", muzikal ida hosi Busby Berkeley ho Michael Curtiz (realizador hosi "Casablanca"), iha 1948, ne'ebé kanta ona knananuk sira hanesan "Put'em in a Box", "It's Magic" ho "I'm in Love". Day mai hosi rádiu, ne'ebé destaka durante dékada anterior nu'udar kantora.

Iha tinan 1949, nia sai hanesan prinsipal iha kartaz iha "Mademoiselle Fifi", komédia ne'ebé diriji hosi David Butler, realizador ne'ebé hanesan orijen hosi susesu importante ida iha afirmasaun hanesan atrís: "Tea For Two" iha tinan 1950, no nia knananuk homónimu "Tea For Two" ne'ebé sai ona hanesan klásiku ida.

Hahú nune'e, Doris Day protagoniza ona filmi sira hanesan " Please Don't Eat The Daisies", "Pillow Talk", "Teacher's Pet", "Send Me No Flowers", "A Mais Linda Rapariga do Mundo", "The Pajama Game", "Love Me or Leave Me", "Young Man with a Horn" e "Sombras na Cidade", la haluha mós "Calamity Jane" - ne'ebé konsideradu hanesan nia filmi preferidu, ba Hollywood Reporter -, serbisu hamutuk ho ator sira hanesan James Stewart, James Garner ho Rock Hudson, ho realizador sira hanesan Alfred Hitchcock, George Abbott ho Stanley Donen.

Nia atuasaun iha filmi espionajen "The Man Who Knew Too Much", hosi Hitchcock, iha tinan 1956, fó ba nia knananuk "Che Sera Sera (Whatever Will Be, Will Be)", susesu boot ida hosi nia kareira, haktuir beibeik iha produsaun foun sira hanesan "Julie & Julia" ho "Frankie and Johnny".

Iha televizaun distingi ho The Doris Day Show, série komédia ida ne'ebé nia halo durante epizódiu hamutuk 120 resin, hosi final tinan 1960 to'o 1973, momentu ne'ebé nia husik reprezentasaun.

Iha tinan 1978, nia harii Doris Day Animal Foundation, hodi defende animal sira nia direitu, ne'ebé nia diriji to'o besik nia mate.

Fonte: Ajénsia Lusa

komentáriu sira