sinema

Lupita Nyong`o konfirmadu iha saga Star wars

Sapo TL, 06 de juñu de 2014

Atrís, ne'ebé mana'an Óscar ida tanba ninia papél iha filmi "12 Years a Slave", konfirmadu ona hodi hola parte iha elenku série mítiku, maibé konviti ne'e halo mós ba atrís Gwendoline Christie hosi "A Game of Thrones".

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Anúnsiu ne'e hanesan komunikadu ida hosi fó sai naran foun iha reedisaun saga espasu nian ne'ebé publikadu iha pájina ofisiál Star Wars nian. Iha komunikadu, prezidente produtora Luscasfilm fahe ninia satisfasaun, "ha'u haksolok tebes ho partisipasaun hosi Lupita no Gwendoline nian iha epizódiu VII".

Lupita Nyong`o, ho tinan 31, no Gwendoline Christie, tinan 36, sei halo hamutuk ho John Boyega, Daisy Ridley, Adam Driver, Oscar Isaac, Andy Serkis, Domhnall Gleeson ho Max von Sydow. Atór sira hosi trilojia orijinál ne'ebé sei kompleta mós sekuénsia maka Harrison Ford, Mark Hamill, Carrie Fisher, Peter Mayhew ho Kenny Bake.

Atrís kenianu publika iha rede sosiál sira ksolok ne'ebé nia senti ba ninia papel foun hodi hatete: "ikusmai ha'u bele hatete ho lian maka'as no ho orgullu: ha'u sei ba galaksia ida dook tebes".

Gravasaun sira ne'ebé halo daudaun iha Abu Dhabi sei iha planu fundu nian maka Kairo, Islándia no Maroko, hotu de'it iha fulan-Setembru iha estúdiu sira iha Londres.

Filmi ne'ebé diriji hosi J.J Abrams sei estreia iha sinema sira Estadus Unidus nian iha loron 18 fulan-Setembru 2015.

Sapo TL ho Activa

komentáriu sira