sinema

Luís Filipe Rocha estreia filmi "Rosas de Ermera" iha Novembru iha "tour" iha Portugal

SAPO TL, 09 de outubru de 2017

  • Família de Zeca Afonso

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Filmi "Rosas de Ermera", hosi Luís Filipe Rocha, ne'ebé konta istória família ida nian no dokumenta períudu istóriku ida iha Timor-Leste, iha Funu Mundial Daruak, estreia iha 11 Novembru, divulga ona iha loron-segunda ne'e.

Tuir distribuidora Leopardo Filmes, dokumentáriu sei iha dalan la hanesan iha sala sira sinema nian, ho viajen ida iha Portugal, ne'ebé iha ezibisaun ida-idak sei akompaña ho konversa ida ho Luís Filipe Rocha.

Iha 11 no 14 Novembru, filmi sei hatudu iha Monumental, iha Lisboa, iha loron 12 iha Teatru Campo Alegre, Porto, iha loron 13 iha Teatru Akadémiku Gil Vicente, Coimbra, iha loron 17 iha Cinema Charlot, Setúbal, iha loron 20 iha Theatro Circo, Braga, no iha loron 01 Dezembru iha Sentru Arte no Espetákulu hosi Figueira da Foz.

"Rosas de Ermera", ne'ebé iha fulan-Maiu liubá taka IndieLisboa, konta parte ida hosi istória família hosi múziku José Afonso ho nia irmaun sira, Maria ho João, bainhira sira haketak malu ho aman-inan sira iha períudu Funu Mundial Daruak nian.

"Baze hosi istória filmi nian maka iha amizade naruk no klean ida ho Zeca no família no baze konfiansa ida ne'ebé maka fó mai ha'u", hatete hosi realizador ba ajénsia Lusa iha fulan-Maiu.

Hahú hosi memória sira hosi irmaun Maria ho João, hosi karta sira no fotografia sira, realizador konta epizódiu ida hosi separasaun família Afonso dos Santos nian iha tinan 1939 iha Mosambike. Aman-inan no oan-feto ki'ik halo viajen ba Timor-Leste, tanba razaun profisional sira, no irmaun na'in rua halo viajen ba Coimbra.

Hafoin haketak malu iha 1939, hahú Funu Mundial Daruak, ne'ebé envolve Japaun, ne'ebé okupa ona illa Timor-Leste nian no kria kampu konsentrasaun rua, ne'ebé kaer mós ema portugés sira, inklui José Afonso nia aman-inan no nia feton.

Família, ne'ebé maka hanoin katak sei la hamutuk fali, hasoru fali malu liutiha tinan neen.

Dokumentáriu iha parte rua, ida ho deklarasaun sira hosi Maria no João Afonso dos Santos, ho memória sira hosi époka ne'e, no ida seluk ho vizita ida ba fatin sira iha Timor-Leste ne'ebé maka família ne'e moris ba, inklui fatin iha Ermera, ne'ebé maka sira uza hodi pasa férias, no kampu konsentrasuan iha Liquiçá.

ho Lusa

komentáriu sira