sinema

Leonardo DiCaprio revoltadu ho alterasaun klimátiku iha dokumentáriu foun

SAPO TL, 04 de outubru de 2016

  • Leonardo Dicaprio

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Iha “Before the Floods", atór hatudu no ko'alia kona-ba efeitu dramátiku sira hosi alterasaun klimátiku sira ba meiu ambiente, hatudu mós nia enkontru sira ho líder mundial sira hodi tenta sensibiliza ba situasaun ne'e.

Kleur ona maka Leonardo DiCaprio sai hanesan ativista maka'as ida ba kauza ambiental nian.

Tema domina ona parte balun hosi nia diskursu ne'ebé hala'o iha fulan-Fevereiru nia rohan bainhira nia manán duni Óscar ida nu'udar Atór Di'ak Liu ho filmi "The Revenant".

Agora, bainhira sai hanesan ambientalista koñesidu nia halo, ko'alia no mosu iha dokumentáriu foun ho títulu “Before the Floods".

Iha trailer, ne'ebé foin maka lansa, nia la subar sentimentu revolta ho situasaun atuál hosi alterasaun klimátiku, "ne'ebé koñesidu iha tinan 50 resin liubá" no ne'ebé nia defende katak "hanesan aat liu".

Imajen sira hatudu oinsá alterasaun klimátiku afeta ida nia meiu ambiente no saida maka sosiedade bele halo hodi evita atu espésie ameasadu sira labele lakon, ekosistema sira no komunidade indíjena sira iha planeta tomak, nune'e mós hatudu enkontru sira entre Leonardo DiCaprio ho líder mundial sira ne'ebé importante hodi bele muda efeitu sira ne'e.

“Before the Floods" halo hosi Fisher Stevens, ne'ebé manán Óscar ida ho dokumentáriu seluk ida ho títulu "The Cove - A Baía da Vergonha" (2009).

Fonte: SAPO Mag

Artigu Relasionadu:

Leonardo DiCaprio hasoru malu ho Barack Obama

komentáriu sira