sinema

Leonardo DiCaprio hasoru malu ho Barack Obama

SAPO TL, 03 de outubru de 2016

  • Leonardo Dicaprio

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atór sei ba White House hodi ko'alia kona-ba kestaun mudansa klimátiku sira ho prezidente Barack Obama.

Atór Leonardo DiCaprio sei ba iha loron-segunda ne'e iha White House hodi ko'alia kona-ba kestaun klima nian ho prezidente Barack Obama, antes hatudu nia dokumentáriu foun kona-ba efeitu aat sira hosi akesimentu global nian.

DiCaprio, ne'ebé manán Óscar ba Atór Di'ak liu ho filmi "The Revenant", sei partisipa iha debate ida ho sientista Katharine Hayhoe no ho prezidente Obama, ne'ebé halo luta hasoru mudansa klimátiku sira hanesan prioridade ida hosi nia mandatu rua iha Estadus Unidus.

Enkontru ne'e sei halo parte hosi festival ida ne'ebé organiza iha jardin sira White House nian tuir modelu hosi South by Southwest, ne'ebé tinan-tinan organiza iha Austin (Texas) no ne'ebé kahur teknolojia foun sira, sinema ho múzika.

Liutiha tinan 10 hafoin nia dokumentáriu dahuluk kona-ba dezafiu sira hosi klima, "The 11th Hour" DiCaprio fila fali ho "Before the Flood", ne'ebé Barack Obama ho papa Francisco mosu lalais iha dokumentáriu.

"Tenki sai korajozu", apela hosi atór iha fulan-Dezembru tinan liubá iha Paris, durante konferénsia COP21 kona-ba klima.

"Ita bele rezolve dezafiu boot sira bainhira ita bele serbisu hamutuk", nia hatutan.

Iha fulan-Marsu, Obama sai nu'udar prezidente dahuluk hosi EUA ne'ebé maka partisipa iha festival South by Southwest no fó sai ona katak White House sei organiza nia versaun rasik hosi eventu ne'e ho naran South by Southwest Lawn, hodi selebra kriatividade no espíritu inovasaun nian.

Fonte: SAPO Mag

komentáriu sira