sinema

"La La Land" manán prémiu hosi públiku iha Festival Toronto

SAPO TL, 19 de setembru de 2016

  • Ryan Gosling, Damien Chazelle & Emma Stone (Foto@ Warren Toda / EPA)

  • Emma Stone (Foto: Ettore Ferrari / EPA)

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Filmi ho Ryan Gosling no Emma Stone sai daudaun hanesan destake maka'as iha kompetisaun ba Óscar.

Muzikal "La La Land", ne'ebé halo hosi Ryan Gosling no Emma Stone, manán ona prémiu hosi públiku iha Festival Internasional ba Sinema hosi Toronto.

Maski hanesan rezultadu hosi votasaun espetadór sira nian hafoin sesaun ida-idak maibé fó tan destake ba kompetisaun Óscar sira nian.

O filme com Ryan Gosling e Emma Stone está em grande destaque na competição aos Óscares.

Diriji hosi Damien Chazelle, ne'ebé halo ona "Whiplash" iha tinan rua liubá ho Miles Teller no J.K. Simmons, filmi ne'e konta istória hosi pianista ida jazz nian no nia doben ne'ebé hanesan aspirante atrís iha Los Angeles no hanesan tributu ida ba tinan osan-mean sira hosi muzikal amerikanu sira nian, hodi halo homenajen ba klásiku sira hanesan "Singin' in the Rain" no "Grease".

Hanesan ba dala tolu maka Gosling ho Stone serbisu hamutuk, hafoin hahú iha tinan 2011 iha komédia romántiku "Crazy, Stupid, Love" no hafoin iha "thriller" ho títulu "The Gangster Squad".

Iha filmi ne'e atrís interpreta Mia, feto romántika ida ne'ebé ba tuir audisaun sira hodi bele sai hanesan atrís koñesiduno Gosling interpreta Sebastian, pianista jazz ida ho ambisaun hodi salva mundu múzika nian maibé luta hodi selu konta sira.

Antes to'o iha Toronto, "La La Land" loke ona festival Veneza nian, iha fulan-Agostu, hodi simu elojiu hosi krítiku no espetadór sira.

ho Lusa

komentáriu sira