sinema

"La La Land" hanesan filmi tinan nian ba krítiku sira Nova Iorke nian

SAPO TL, 03 de dezembru de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Damien Chazelle nia filmi ho Emma Stone ho Ryan Gosling sai daudaun hanesan títulu ida forte hosi temporada ne'e, maibé fahe nafatin protagonizmu ho "Manchester by the Sea" ho "Moonlight".

"La La Land" hetan votu hanesan filmi di'ak liu hosi New York Film Critics Circle. Muzikal ne'ebé halo hosi Damien Chazelle ho Emma Stone ho Ryan Gosling sai daudaun hanesan títulu ida forte hosi temporada ne'e

Ba dala ikus nia eskolla halo hamutuk ho Óscar maka iha tinan 2012, ho "O Artista".

Iha semana hirak tuirmai, asosiasaun hamutuk 12 hosi krítiku sira sei fó sai sira nia eskolla, maibé eskolla hosi Nova Iorke, harii iha 1935, hanesan ida ne'ebé antigu no rekoñesidu liu hosi EUA.

Casey Affleck konsidera fali hanesan atór di'ak liu iha "Manchester by the Sea", no nia kolega Michelle Williams hetan mós prémiu nu'udar sekundáriu ba filmi ne'e no mós ba "Certain Women".

Isabelle Huppert kontinua suprende no konsidera ona nu'udar atrís di'ak liu tanba "L'avenir" ho "Elle", filmi sira ne'ebé halo hosi Paul Verhoeven ho Mia Hansen-Løve.

Prémiu ba atór sekundáriu fó ba Mahershala Ali tanba "Moonlight", filmi ne'ebé halo mós Barry Jenkins hetan distinsaun ba realizadór nian.

"Zootrópolis", "O.J.: Made in America" ho "Toni Erdmann" sai mós hanesan filmi sira di'ak liu animasaun nian, dokumentáriu no filmi estranjeiru.

Vensedór sira seluk maka tuirmai ne'e:

Argumentu: "Manchester by the Sea"
Fotografia: "Moonlight"
Filmi Dahuluk: empata entre "The Edge of Seventeen" ho "Krisha"
Prémiu Espesial: a editora Thelma Schoonmaker no mós tinan 25 hosi restaurasaun filmi “Daughters of the Dust", hosi Julie Dash nian.

Fonte: SAPO Mag

komentáriu sira