sinema

Kate Winslet sei sai muza foun Woody Allen nian

SAPO TL, 23 de juñu de 2016

  • Kate Winslet (AFP Photo @ Niklas Halle'n)

  • Woody Allen

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Hanesan baibain, realizadór prepara ona nia filmi foun bainhira ida ikus, "Café Society", seidauk to'o iha sala sira sinema nian.

Kate Winslet prepara ona hodi sai estrela iha Woody Allen nia filmi foun, informa ona exkluzivu hosi Variety.

Atrís ho tinan 40 tama ona iha negosiasaun ikus sira, formalidade ida hosi prosesu.

Sei hanesan nia estreia ho realizadór tinan 80 nian, maski nia kareira tama ona iha dékada datoluk, inklui ona Óscar ida ho "The Reader" (2008) no nomeasaun neen resin.

Hanesan ezemplu, Leonardo DiCaprio, nia kolega iha "Titanic" (1997) no "Revolutionary Road" (2008), tama ona iha "Celebrity" (1998) bainhira nia iha tinan 24.

Lahó supreza, Woody Allen maka hanesan responsável ba argumentu, realizasaun no produsaun hosi projetu foun, ne'ebé hahú halo iha outonu no hanesan baibain seidauk hatene nia pormenór hosi filmi ne'e.

Filmi ikus hosi realizadór ne'e maka "Café Society", mergullu ida iha mundu Hollywood nian iha tinan 1930 ho Steve Carell, Jesse Eisenberg, Blake Lively ho Kristen Stewart.

Fonte: SAPO Mag

komentáriu sira