sinema

Kamboja kandidata Angelina Jolie nia filmi ba Óscar

SAPO TL, 19 de setembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kamboja hili filmi "First they killed my father", hosi atríz no realizadora norte-amerikana Angelina Jolie, hodi sai kandidatu ba nomeasaun ida ba Óscar, prémiu sira sinema hosi Estadus Unidus, fó sai iha loron-segunda ne'e.

Filmi hanesan adaptasaun hosi livru memória sira homónimu hosi ativista kambojana Loung Ung no retrata moris iha Kamboja iha rejimi Khmer Rouge nian. Loung Ung hanesan sobrevivente ida hosi jenosídiu ne'ebé maka halo entre tinan 1975 no 1979 hosi rejimi Pol Pot, ne'ebé halo ema millaun tolu resin mate.

Komité selesaun Kamboja nian justifika katak eskolla ba Angelina Jolie nia filmi tanba hanesan "drama dramátiku" ida ne'ebé rekupera "memória sira ne'ebé dalabarak ema haluha".

Distribuidu hosi plataforma dijital Netflix, "First they killed my father" hatudu ona iha Festival Sinema Toronto nian ne'ebé hotu iha findesemana.

Angelina Jolie, moris iha Estadus Unidus iha tinan 1975, iha sidadania kambojanu dezde tinan 2005. Nia oan-mane boot, adoptivu, moris iha Kamboja no tama iha filmi ne'e hanesan produtor ezekutivu.

Iha entrevista ne'ebé foin halo lalais ne'e ba ajénsia Associated Press, atríz no realizadora hatete ona katak halo filmi ne'e hodi "tulun nasaun ko'alia" kona-ba pasadu.

Prazu hosi kandidatura hosi nasaun sira ba nomeasaun ida ba Óscar hosi filmi estranjeiru di'ak liu hotu iha loron 02 Outubru.

Portugal kandidata ona ba nomeasaun ho filmi "São Jorge", hosi Marco Martins.

Serimónia Óscar ba dala 90 marka ona ba loron 04 Marsu 2018, no serimónia Goya sei halo iha loron 03 Fevereiru.

ho Lusa

komentáriu sira