sinema

"Joker" ho "The Irishman" lidera nomeasaun ba prémiu britániku Bafta nian

SAPO TL, 08 de janeiru de 2020

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Filmi "Joker", hosi Todd Phillips, lidera nomeasaun hamutuk 11 ba kandidatura sira ba prémiu sira sinema britániku BAFTA nian, tuir "The Irishman", hosi Martin Scorsese, no "Once Upon a Time...in Hollywood", hosi Quentin Tarantino, anunsia iha loron-tersa ne'e.

"The Irishman" no "Once Upon a Time...in Hollywood", ida-idak, iha nomeasaun 10 no "1917" hosi Sam Mendes, no "Jojo Rabbit" hosi Taika Waititi, ida-idak, iha nomeasaun sia ho neen, haktuir hosi organizasaun eventu nian ne'ebé nia serimónia sei halo iha Royal Festival Hall, iha Londres, iha loron 02 Fevereiru.

Kompete ba prémiu hosi Filmi di'ak liu maka "Joker", "The Irishman", "1917", "Once Upon a Time...in Hollywood" ho "Parasite", ne'ebé nia realizador sira Phillips, Scorsese, Sam Mendes, Quentin Tarantino ho Bong Joon-Ho, ida-idak hetan mós nomeasaun.

Leonardo Dicaprio ("Once Upon a Time...in Hollywood"), Adam Driver ("Marriage Story"), Joaquin Phoenix ("Joker"), Taron Egerton ("Rocketman") ho Jonathan Pryce ("The Two Popes") hanesan mós kandidatu sira ba ator di'ak sira.

Atris sira ne'ebé nomeada maka Jessie Buckley hosi "Wilde Rose", Saoirse Ronan tanba knaar iha "Little Women", Charlize Theron iha "Bombshell", Scarlett Johansson iha "Marriage Story" no Renée Zellweger tanba "Judy".

Ba atris sekundáriu di'ak liu, nomeasaun sira maka hanesan Scarlett Johansson ("Jojo Rabbit"), Laura Dern ("Marriage Story"), Florence Pugh ("Little Women") ho Margot Robbie, ba "Bombshell" ho "Once Upon a Time...in Hollywood".

Iha kategoria hosi Filmi Animasaun Di'ak liu iha "Frozen 2", "Klaus" ho "Toy Story 4", bainhira "Diego Maradona" ho "Apollo 11" kompete iha kategoria hosi Dokumentáriu Di'ak liu.

Fonte: Ajénsia Lusa

komentáriu sira