sinema

John Lennon ho Yoko Ono nia relasaun to'o iha sinema

SAPO TL, 03 de fevereiru de 2017

  • John Lennon & Yoko Ono

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Istória sei adapta hosi Anthony McCarten, ne'ebé hakerek ona "The Theory of Everything". Projetu sei hetan apoiu hosi Beatle nia viúva.

Istória kona-ba relasaun entre John Lennon ho Yoko Ono sei to'o iha sinema, iha projetu ida hosi produtor Michael De Luca, ne'ebé halo ona "The Social Network", "Moneyball" ho "Captain Phillips", filmi ne'e hanesan "biopik" nomeadu ba Óscar ba kategoria Filmi Di'ak Liu.

Argumentu sei mai hosi Anthony McCarten, ne'ebé hetan elojiu maka'as tanba abordajen ne'ebé nia halo hosi relasaun entre Stephen ho Jane Hawking ne'ebé rezulta hosi filmi "The Theory of Everything" (2014).

Maski seidauk iha títulu, filmi sei ko'alia kona-ba istória domin entre antigu estrela hosi Beatles no Ono, ne'ebé sei hanesan produtora ida, ne'ebé ikusmai sai hanesan kaben-na'in hosi selebridade sira koñesidu iha tinan 1970, maibé iha kontestu ne'ebé boot.

"Istória sei foka iha tema sira relasionadu ho domin, korajen no ativizmu iha EUA - ho objetivu hodi inspira juventude sira ohin loron hodi defende no iha hanoin loloos kona-ba mundu ne'ebé sira hakarak", explika hosi De Luca ba Deadline.

Iha 2009 juventude Lennon nian hetan interpretasaun hosi Aaron Taylor-Johnson, retrata iha "Nowhere Boy", halo hosi Sam Taylor-Johnson (halo "Fifty Shades of Grey"), no Lennon nia mate sai hanesan baze hosi filmi "Chapter 27" (2007) ho Jared Leto maka interpreta asasinu Mark David Chapman.

Fonte: SAPO Mag

komentáriu sira