sinema

Jackie Chan simu Óscar honoráriu

SAPO TL, 14 de novembru de 2016

  • Jackie Chan & Sylvester Stallone /AFP Photo

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atór Jackie Chan simu ona iha loron-sábadu Óscar honoráriu ida tanba nia kareira, iha serimónia ida ne'ebé hala'o iha Los Angeles, ne'ebé atór koñesidu Hollywood sira hatudu sira nia dúvida kona-ba futuru Estadus Unidus nian iha prezidénsia hosi Donald Trump nian.

Aleinde triste polítiku, prezente sira basa-liman hodi fó ksolok ba Jackie Chan, naran boot ida hosi sinema asaun nian ho filmi hamutuk 200 resin.

"Hafoin tinan 56 nia laran iha indústria sinema nian, halo filmi 200 resin no ruin tohar dalabarak, ikusmai sai hanesan ha'u nian!", nia hatete no refere ba estátua ambisiozu ne'e.

Grupu entretenimentu nian apoia ona kuaze unánime demokrata Hillary Clinton, ne'ebé sira hetan ona dolar millaun resin.

Durante serimónia hosi Governor Awards, ne'ebé tinan-tinan entrega Óscar honoráriu, hafoin prémiu sira la entrega ona iha serimónia Óscar sira nian, Tom Hanks deklara ona katak Donald Trump "iha responsabilidade boot ida no tenki hatudu buat barak hahú hosi loron 20 Janeiru 2017", loron simu pose nian.

Simon Helberg, ne'ebé interpreta "nerd" Howard Wollowitz iha série ""A Teoria do Big Bang", afirma ona katak vitória hosi magnata ne'e "hanesan momentu aat ida ba mundu" no husu ona atu "governu Trump inan la prejudika ita nia futuru".

Editora Anne Coates ("Lawrence of Arábia"), diretor hosi kasting Lynn Stalmaster no sineasta ("In the Heat of the Night") no sineasta Frederick Wiseman ("Titicut Follies") hetan mós homenajen ho Óscar honoráriu ida.

Fonte: SAPO Mag / AFP

komentáriu sira