sinema

Hasai tiha filme xinés karun liu dezde sempre hafoin estreia ho deziluzaun

SAPO TL, 17 de jullu de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Produsaun sinematográfiku karun liu dezde sempre iha Xina, ho títulu "Asura", ho kustu yuan millaun 750 (euro millaun 96), tenki hasai hosi sinema sira hafoin deziluzaun ida iha estreia komersial iha findesemana ne'e.

Filmi épiku, ho baze iha mitolojia budista, hetan osan yuan millaun 49 (euro millaun 6,2) iha findesemana estreia nian, iha sinema sira xinés nian, maski iha kampaña publisitáriu ida ne'ebé maka'as.

Produtor sira hatete, liuhosi rede sosial sira, katak hasai ona hosi sinema maibé la hato'o motivu sira.

Ema na'in 2.500 resin maka serbisu ona iha produsaun "Asura", filmi ne'e halo iha Xina no nia pós-produsaun halo ona durante tinan ida resin iha Estadus Unidus.

Iha artigu ida ne'ebé publika antes estreia, Yang Hongtao, prezidente hosi grupu Ningxia Film Group, produtor ida, konsidera ona filmi ne'e hanesan "imajinativu tebes".

"Ami hakarak atu filmi aumenta konfiansa iha ami nia kultura rasik no kapasita ami nia talentu doméstiku sira", afirma.

Fonte: Ajénsia Lusa

komentáriu sira