sinema

"Green Book" manán Óscar ba filmi ne'ebé di'ak liu

SAPO TL, 25 de fevereiru de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Óscar ba filmi di'ak liu entrega ona iha loron-segunda ne'e ba "Green Book", iha edisaun ba dala 91 hosi prémiu sira hosi Akademia Arte ho Siénsia Sinematográfiku, hosi Estadus Unidus.

"Black Panther", "BlacKkKlansman", "Bohemian Rhapsody", "The Favourite", "Green Book ", "Roma", "A Star Is Born" e "Vice" maka hanesan kandidatu sira ba Óscar kategoria filmi ne'ebé di'ak liu.

Dezempeñu Freddie Mercury nian halo Rami Malek hetan Óscar ba atór di'ak liu

Rami Malek nia knaar nu'udar Freddie Mercury, hosi Queen, iha "Bohemian Rhapsody", iha loron-segunda ne'e manán prémiu Óscar ba atór di'ak liu, iha edisaun 91 hosi prémiu sira hosi Akademia Arte ho Siénsia Sinematográfiku, hosi Estadus Unidus.

Christian Bale, hosi "Vice", Bradley Cooper, hosi "A Star Is Born", Willem Dafoe, hosi "At Eternity's Gate", Rami Malek, hosi "Bohemian Rhapsody", ho Viggo Mortensen, hosi "Green Book", maka hanesan kandidatu sira ba Óscar hosi atór ne'ebé di'ak liu.

Alfonso Cuarón manán Óscar ba realizasaun di'ak liu tanba diresaun ba "Roma"

Sineasta mexikanu Alfonso Cuarón manán ona Óscar ba realizador di'ak liu, tanba filmi "Roma", iha edisaun ba dala 91 hosi prémiu sira hosi Akademia Arte ho Siénsia Sinematográfiku, hosi Estadus Unidus.

Kandidatu sira ba Óscar hosi realizasaun di'ak liu maka Spike Lee, hosi "BlacKkKlansman", Paweł Pawlikowski, hosi "Zimna wojna", Yorgos Lanthimos, hosi "The Favourite", Alfonso Cuarón, hosi "Roma", ho Adam McKay, hosi "Vice".

"Roma", ne'ebé manán Óscar hosi filmi estranjeiru di'ak liu, manán ona Leaun Osan-Mean hosi festival Veneza nian, iha fulan-Setembru tinan liubá, hanesan filmi dahuluk ne'ebé maka halo hosi Netflix no nomeadu ba Óscar prinsipal sira.

Fonte: Ajénsia Lusa

komentáriu sira