sinema

"Game of Thrones" ho "Veep" hetan fali susesu iha prémiu sira Emmy nian

SAPO TL, 19 de setembru de 2016

  • Foto @ Mike Nelson / EPA

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Edisaun ba dala 68 hosi Emmy sira, prémiu sira televizaun nian iha Estadus Unidus, ne'ebé iha loron-domingu ne'e fó ona prémiu, tinan rua konsekutivu, ba "Game of Thrones" hanesan série dramátiku di'ak liu no "Veep" hanesan série kómiku di'ak liu.

Épiku hosi HBO, bazeadu iha livru sira hosi George R. R. Martin, manán ona prémiu hamutuk 12 ne'ebé fó hosi Akademia Internasional hosi Arte no Siénsia sira Televizaun Estadus Unidus nian, hetan nune'e rekord hanesan ne'ebé série ne'e hetan iha tinan 2015 hanesan série ne'ebé premiadu liu iha de'it edisaun ida.

Iha fatin seluk, "Veep" renova "reinadu" iha komédia, ho nia Emmy daruak konsekutivu, halakon nune'e série sira hanesan “Black-ish", "Master of None", "Modern Family", "Silicon Valley", "Transparent" ho "Unbreakable Kimmy Schmidt".

Iha kategoria sira interpretasaun nian, Rami Malek, protagonista hosi "Mr. Robot" sai nu'udar ator dramátiku di'ak liu no, iha diskursu emosionadu ida, nia agradese ona ba kriadór série nian, Sam Esmail, ne'ebé hatete katak hanesan "vizionáriu loloos" ida.

Tatiana Maslany manán Emmy ba atrís dramátiku di'ak liu ho "Orphan Black", série ida ne'ebé nia hatete katak senti orgullu tebes hodi halo parte tanba tau "feto sira iha sentru".

Julia Louis-Dreyfus simu ona nia Emmy dalima konsekutivu nu'udar atrís komédia di'ak liu iha "Veep" no Jeffrey Tambor repete ona prémiu nu'udar intérprete kómiku di'ak liu iha "Transparent".

“The People v. O.J. Simpson: American Crime Story” konkista ona maioria hosi prémiu sira iha nia kategoria, hanesan minisérie di'ak liu, atór di'ak liu (Courtney B. Vance), atrís di'ak liu (Sarah Paulson) no atór sekundáriu di'ak liu (Sterling K. Brown).

Edisaun ba dala 68 hosi prémiu sira Emmy nian hala'o iha teatru Microsoft iha Los Angeles no aprezenta hosi humorista Jimmy Kimmel.

ho Lusa

komentáriu sira