sinema

"Game of Thrones" hetan rekord ho nomeasaun hamutuk 32 ba prémiu sira Emmy nian

SAPO TL, 17 de jullu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Série "Game of Thrones" hetan rekord iha tinan 25 ikus ne'e, mantén hosi série antigu NYPD, no lidera, ho nomeasaun hamutuk 32, iha lista hosi kandidatu sira ba prémiu sira Emmy nian, anunsia hosi Akademia Televizaun hosi EUA nian iha loron-tersa ne'e iha Los Angeles.

"Game of Thrones" simu númeru boot hosi nomeasaun sira ba temporada ida hosi série ida, aumenta nune'e ba 131, númeru konkistadu durante temporada ualu.

Iha lista total hosi nomeasaun sira iha mós série sira hanesan "The Marvelous Mrs. Maisel" ho kandidatura hamutuk 20, no dramátiku "Chernobyl" ho 19, antes hosi programa televizaun Saturday Night Live ho 18, komédia "Barry" no minisérie "Fosse/Verdon!", ida-idak ho nomeasaun hamutuk 17, ho "When They See Us" ho nomeasaun hamutuk 16.

Frank Scherma, prezidente ho diretor ezekutivu hosi Television Academy, hatete katak "hanesan di'ak tebes haree variedade boot ida hosi talentu foun sira ne'ebé maka bele destakadu tanba nia serbisu ne'ebé exelente".

"Iha kategoria barak hosi Emmy ne'ebé maka aprezenta programa foun sira ho talentu foun sira, hanesan dalan hodi selebra aumentu kontínua hosi kriatividade ne'ebé maka televizaun bele oferese", Scherma hatete iha inísiu hosi serimónia hodi fó sai nomeasaun sira, ne'ebé halo iha Los Angeles, hahú hosi tuku 08:30 oras lokal.

Hosi nomeadu ualu ba Série Drama di'ak liu, lima hanesan foun iha kategoria: "Bodyguard", "Killing Eve", "Ozark", "Pose" ho "Sucession".

"Better Call Saul", "Game of Thrones" ho "This Is Us" fila fali ba lista nomeadu sira iha kategoria.

Iha komédia, série sira "Fleabag", "The Good Place", "Schitt’s Creek" ho "Russian Doll", ba dala uluk, hamutuk ho repetente sira iha lista, "Barry", "The Marvelous Mrs. Maisel" ho "Veep", halo parte iha Série Dramátiku di'ak liu.

Iha kategoria hosi Atriz Drama Di'ak Liu, Emilia Clarke, Mandy Moore, Jodie Corner ho Laura Linney simu sira nia nomeasaun dahuluk, hamutuk ho Robin Wright, Sandra Oh ne'ebé manán ona Emmy ida (ho Óscar ida), Viola Davis.

Atór sira Kit Harigton, Billy Porter, nomeadu ba dala uluk, hamutuk ho Milo Ventimiglia, Jason Bateman, Bob Odenkirk ho Sterling K. Brown, vensedor Atór Di'ak liu hosi Drama, iha lista hosi nomeasaun ba kategoria.

Michael Douglas ho Eugene Levy tama ba nomeadu sira ba Ator Komédia Di'ak liu, hamutuk ho Don Cheadle, Anthony Anderson, Ted Danson ho Bill Harder, vensedor iha kategoria ne'e iha tinan liubá.

Atris sira Natasha Lyonne, Catherine O’Hara, Phoebe Waller-Bridge, Christina Applegate, nomeadu ba dala rua, Rachel Brosnahan, vensedora iha tinan liubá, ho Julia Louis-Dreyfus, ne'ebé hetan ona Emmy dala 11, iha total, halo parte iha lista nomeadu ba Atriz Komédia di'ak liu.

Ba dala uluk, iha nomeasaun sira ba prémiu sira Emmy nian iha artista sira hanesan Amy Adams, Anthony Carrigan, Gwendoline Christie, Sian Clifford, Paul Dano, Benicio del Toro, Hugh Grant, Michael McKean, Kumail Nanjiani, Chris O’Dowd, Rosamund Pike, Sam Rockwell, Kristin Scott Thomas, Rufus Sewell, Stellan Skarsgård, Sophie Turner, Emily Watson ho Michelle Williams.

Iha plataforma dijital sira, HBO, ho produsaun nomeadu hamutuk 137, Netflix iha 117, NBC ho 58 hanesan sira ne'ebé lidera lista.

Ator sira ho komediante sira Ken Jyong ho D’Arcy Carden, aprezenta ona sesaun hosi revelasaun iha nomeadu sira, iha Miscrosoft Theatre, iha Los Angeles, Califórnia.

Serimónia entrega prémiu sira, Emmy Awards ba dala 71, sei halo iha loron 22 Setembru iha Los Angeles.

Fonte: Ajénsia Lusa

komentáriu sira