sinema

Forsa Armada indonéziu kondena dokumentáriu kona-ba masakre tinan 1965

SAPO TL, 28 de setembru de 2017

ho Lusa

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Organizasaun Human Rights Watch fó sai ona orden sira hosi komandante Forsa Armada Indonézia nian, jeneral Gatot Nurmantyo, ne'ebé bandu militar sira hodi labele haree dokumentáriu ida kona-ba masakre sira ne'ebé akontese iha nasaun hafoin golpe militar tinan 1965.

Tuir jeneral Nurmantyo, dokumentáriu “The Look of Silence” hosi Joshua Oppenheimer, iha 2014, "muda akontesimentu istóriku sira".

"Nurmantyo iha motivu sira hodi sai nervozu kona-ba ‘The Look of Silence’”, hakerek hosi organizasaun la'ós governu ne'e nian.

Dokumentáriu entrevista paramilitar antikomunista antigu sira ne'ebé, iha partisipasaun hosi unidade militar sira, oho ona sidadaun millaun ida resin, ne'ebé deskonfia hanesan komunista, liuliu ema xinés sira, sindikalista sira no ativista polítika sira, iha tinan 1965 no 1966", refere hosi Human Rights Watch.

Organizasaun ne'ebé defende direitu ema nian, ho sede iha Estadus Unidus, rekorda katak "ema sira ne'ebé oho" ko'alia ho "orgullu" kona-ba krimi ne'ebé sira halo, iha prezensa hosi funsionáriu governamental indonéziu sira nian, agora daudaun iha hela funsaun isra, no ne'ebé apoia akontesimentu sira ne'ebé akontese hafoin golpe militar Soeharto nian (30 Setembru 1965).

Tuir Human Rights Watch, orden sira hosi komandante Forsa Armada sira nian hodi bandu atu militar sira labele haree dokumentáriu, fó korajen ba soldadu sira hodi marka prezensa iha ezibisaun públiku sira hosi dokumentáriu ida propaganda indonéziu nian, ne'ebé halo iha 1984 (“Pengkhianatan G30S/PKI”), ne'ebé justifika masakre sira hanesan dalan defeza ida ne'ebé presiza hodi hapara revolta ne'ebé karik deskonfia prepara hela hosi Partidu Komunista Indonézia nian.

Dokumentáriu propaganda indonéziu nian transmiti ona hosi televizaun estatal, iha nível nasional, tinan-tinan, to'o rejimi Soeharto nian lakon iha tinan 1998.

Orden ikus sira hosi jeneral Nurmantyo hodi bandun dokumentáriu "The Lost of Silence" akontese liutiha fulan ida hafoin autoridade sira impede ona realizasaun hosi konferénsia ida kona-ba posibilidade hosi ezijénsia ba kompensasaun finanseiru ba vítima sira hosi masakre sira nian.

ho Lusa

komentáriu sira