sinema

Filmi mosambikanu premiadu iha Maroko

SAPO TL, 18 de setembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Filmi “Comboio de Sal e Açúcar”, hosi sineasta mosambikanu Licínio Azevedo, simu prémiu rua iha Festival Sinema Afrikanu Khourigba, iha Maroko, fó sai hosi organizasaun.

Azevedo nia fiksaun manán iha kategoria Realizador Di'ak liu no Guiaun Di'ak liu.

Hosi filmi 14 ne'ebé maka kompete, "Comboio de Sal e Açúcar" hanesan úniku ne'ebé maka hetan prémiu rua iha festival ne'ebé hala'o durante besik semana ida iha nasaun hosi norte Áfrika nian.

Prémiu dahuluk fó ba filmi "Un jour pour les femmes" hosi realizadora ejípsia Kamla Abu Zekri.

"Comboio de Sal e Açúcar" hanesan filmi ikus hosi fiksaun mosambikanu, ne'ebé lansa liutiha tinan haat hafoin produsaun ikus ne'ebé hanesan, "Virgem Margarida", ne'ebé diriji mós hosi Lucínio Azevedo.

Filmi foun ne'e rezulta hosi adaptasaun ida hosi livru ho títulu hanesan, hakerek iha tinan 15 liubá hosi Lucínio Azevedo no ko'alia kona-ba istória hosi enfermeira ida ne'ebé laran-monu ba militar ida durante viajen ida komboiu nian ne'ebé, durante funu sivil mosambikanu, hakarak to'o nia destinu ne'ebé nakonu ho perigu hosi konfrontu militar sira.

Azevedo nia filmi halibur atór sira hosi Mosambike, Angola ho Brazil.

Iha loron hirak tuirmai, filmi ne'e sei hahú hatudu iha Portugal ho Alemaña.

A película de Azevedo junta atores de Moçambique, Angola e Brasil.

ho Lusa

komentáriu sira