sinema

FESTin fila ba Timor-Leste, ba tinan daruak konsekutivu, ho hatudu iha Díli ho Baucau

SAPO TL, 10 de novembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Festival Sinema Itinerante Lian Portugeza (FESTin) nian, ho sede iha Lisboa, sei hahú iha loron-sábadu ne'e, ba tinan daruak konsekutivu, iha Timor-Leste hodi halo ezibisaun iha Díli ho Baucau no ofisina produsaun ida, informa hosi embaixada portugeza.

Edisaun tinan ne'e hahú iha loron-sábadu iha Centro de Dia de S. José, iha Baucau, sidade boot daruak timoroan nian, hahú depois ne'e iha Díli iha loron-segunda ho ofisina produsaun ida, to'o loron 15 no hafoin ne'e, entre loron 16 no 19 Novembru sei hatudu filmi oioin.

Programa hatete katak iha Baucau sei hatudu filmi brazileiru ba labarik sira "As aventuras do pequeno Colombo", halo hosi Rodrigo Gavo, no mós "O projeto do meu pai", hosi Rosaria Moreira. Hanoin mós hatudu "O outro lado do paraíso", hosi realizador brazileiru André Ristum.

Aleinde filmi sira ne'e, hatudu iha Díli sei iha mós filmi "Uma vida à espera", hosi portugés Sérgio Graciano, ho dokumentáriu "Mulheres africanas", ko-produsaun brazileiru ho mosambikanu hosi "Mulheres africanas", no ho dokumentáriu "Avô Crocodilo", ko-produsaun luzutimoroan hosi Francisco Rosas.

Programa inklui mós komédia brazileiru "Vendo ou alugo" hosi Betse de Paula, dokumentáriu angolanu "Langidila, diário de um exílio sem regresso", hosi José Rodrigues dos Santos ho filmi brazileiru "A família Dionti" hosi Alan Minas.

Ajenda mós filmi badak sira "Pequenos animais sem dono" hosi Maju de Paiva, no "Hora do Lanche" hosi Claudia Matto, filmi rua hosi Brazil.

Tuir organizasaun, FESTin nia misaun maka "divulga no dezenvolve sinema iha nasaun sira lian portugeza nian, rekoñese estadu asimétriku hosi arte iha nasaun ida-idak, no valoriza orijen istóriku sira ho kultural sira hosi nasaun sira, aleinde fortalese no aumentu lasu sira ne'ebé iha ona".

Tinan ne'e, FESTin iha ona nia edisaun daualuk iha Lisboa, entre loron 01 no 08 Marsu.

ho Lusa

komentáriu sira