sinema

"Fast & Furious 8" hanesan filmi estranjeiru ne'ebé haree liu iha Xina

SAPO TL, 02 de maiu de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Filmi asaun "The Fate of the Furious", filmi daualuk hosi série "Fast & Furious", durante fériadu loron 1 Maiu sai hanesan filmi estranjeiru ne'ebé haree liu iha Xina, hatete hosi "site" xinés Boxoffice iha loron-tersa ne'e.

Hahú hosi estreia iha 14 Abril, filmi ne'ebé halo hosi Vin Diesel ho Charlize Theron hetan ona dolar millaun 365 (euro millaun 335) iha billeteira xinés sira, halakon "Furious 7", to'o ohin loron sai hanesan filmi estranjeiru ne'ebé haree liu iha Xina no nia reseita to'o ona dolar millaun 351.

Filmi daualuk hosi série "Fast & Furious" hetan mós estreia di'ak liu iha nasaun aziátiku, hetan dolar millaun 55 (euro millaun 50) iha reseita billeteira iha loron dahuluk ezibisaun nian.

Obra bele, inkluzive, ameasa rekord hosi produsaun xineza "The Mermaid" ne'ebé iha tinan liubá sai hanesan filmi ne'ebé haree liu iha Xina, tanba hetan folin dolar millaun 491 (euro millaun 449).

Merkadu xinés sinema nian sei halakon iha tinan hirak tuirmai merkadu norte-amerikanu nian (Estadus Unidus no Kanadá) hanesan ida ne'ebé boot liu iha mundu, maski ritmu kresimentu hahú neineik, ne'ebé observador balun atribui ba final hosi subsídiu sira, no seluk tanba kualidade hosi produsaun sira.

Importasaun hosi filmi sira iha Xina hanesan monopóliu hosi Estadu no hetan kuota. Baibain, nasaun ne'ebé iha populasaun barak liu iha mundu importa de'it filmi hamutuk 34 iha tinan ida, barak liu filmi norte-amerikanu sira.

ho Lusa

Artigu Relasionadu:

"The Fate of the Furious" halo rekord no iha estreia mundial di'ak liu

komentáriu sira