sinema

Dokumentáriu kona-ba labarik sira ne’ebé naok iha Timor-Leste durante okupasaun indonézia

SAPO TL, 17 de janeiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Fundação Oriente iha Díli aprezenta iha sábadu ne’e dokumentáriu ida kona-ba labarik timoroan ne’ebé naok durante okupasaun indonézia, lori ba nasaun ne’ebá no agora, ba dahuluk fila fali mai sira nia uma.

"Nina & The Stolen Children of Timor-Leste", produz hosi AJAR - Asian Justice and Rights, assosiasaun direitus umanus ida iha Indonézia ho reprezentasaun iha Timor-Leste ne’ebé uza kazu balun hodi hatudu realidade ne’ebé afeta timoroan millaun resin.

Realiza ho indonéziu no koloka iha portugés no inglés filme ne’e hatudu iha lorokraik sábadu nian iha delegasaun Fundação Oriente iha Díli, tuir fali ho esplikasaun balun kona-ba antesedente ba serbisu ne’e hosi parte elementu AJAR sira.

Espalla iha arkipélagu boot indonéziu nian, iha timoroan millaun resin ne’ebé, forsa,sei labarik, lori sai osi sira nia família, hosi sira nia rai no lori ba distánsia ne’ebé dook, obriga muda sira nia relijiaun no to’o sira nia naran.

Vítima pratikamente invizível hosi okupasaun indonézia iha Timor-Leste ne’ebé to’o ohin loron , kontinua laharee sira nia família, lafila ba sira nia rai-moris fatin, sein hatene karik sira nia familia sei moris ka iha fatin ne’ebé sira atu ba hasoru.

Hosi parte Timor-Leste, sira nia familia buka hela sira, lahatene atu hasoru iha ne’ebé. Iha kazu balun, lutu tiha ona, husik besik iha uma rai-koak mamuk hodi lembra oan mate ka oan feto ne’ebé lakon.

Iha maiu tinan kotuk grupu kiik ida ho mane no feto hamutuk 11, balun sai katuas no ferik ona, mai Timor-Leste, maioria badahuluk dezde naok hosi sira nia família no lori ba sidade no vila sira iha Indonézia.

Galuh Wandita, hosi AJAR – ne’ebé responsável ba programa reuniaun familiar ne’e - esplika ba Lusa iha tempu ne’ebá katak karik trata atu hasoru "jerasaun ne’ebé naok", grupu ida pelumenus timoroan 4.000 - tuir relatóriu Comissão de Acolhimento Verdade e Reconciliação (CAVR) – ne’ebé fó sai iha Timor-Leste .

"Ami buka hela sobrevivente grupu ida ne’ebé ha’u hanoin katak bele boot liu tuir estimativu 4.000. Ba agora, Ami só hala’o serbisu liuhosi kontaktu ho sobrevivente sira seluk,ne’ebé sei hanoin ka hatene sira seluk ", nia esplika.

Ohin loron ho sira nia vida iha Indonézia, susar tebes atu tau hamutuk sira.

"Ne’e kestaun ida sensível tebes ba sira. Moris iha Indonézia durante tinan barak, integra ona iha kultura ne’ebá no nasaun ne’e no ami tenta deit halo ponte", nia haktuir.

"Bazeia ba direitus umanus, hanesan labarik sira ne’ebé naok iha família. Maibé realidade maka ohin loron sira iha ona sira nia família rasik, iha ona komunidade foun", nia hatete.

Xoke ida ba sistema ne’ebé barak sente bainhira ba dahuluk fila, hafoin tinan barak, ne’e sinál drama pessoál ida ne’ebé kada ema hasoru, separa hosi ninia infánsia no família ho ema ida ne’ebé to’o ohin loron balun hasoru difikuldade boot tebes atu komunika, tanba kestaun lian ka seluk.

Sira hotu iha naran ne’ebé lahanesan tuir naran ne’ebé uluk sira sarani: naran no apelidu loloos timoroan nian lakon - ka portugés – no ohin loron koñesidu deit ho naran indonéziu, parte boot liu musulmanu sira nian.

Entre sira ne’ebé mai iha maiu, ezemplu, Ernâni Monteiro ne’e Mubaraj Wotu Modo, Eugénio Soares ne’e Muhammad Irfan, no nia kaben, ne’ebé kaben iha 2001, hanesan mooos labarik ida ne’ebé naok, Dortea Hornai, agora Siti Latifah Dortea.

Rosita, ohin loron Rosnaeni, labarik ida ne’ebé moos naok iha tempu uluk. Iha 1978 no ho ninia alin lori hosi forsa iha sira nia uma iha Railakolete hosi elementu batallaun indonéziu 612 ba Makassar, ne’ebé ikus mai, fahe tiha sira rua. Rosita nunka haree tan ninia alin to’o agora.

Promesa ho edukasaun di’ak, hosi família indonézia ne’ebé akolla, nunka fó buat ida ba sira no Rosita lorloron pasa ninia vida iha terrenu agríkola. Dala barak tenta atu halai maibé sempre lori fila fali ba uma.

Ohin loron, adulta ona, sai hosi Makasar no hela iha Sulawesi Sentrál, la hetan edukasaun tuir buat ne’ebé promete.

Alementu seluk hosi grupu maiu nian ne’e, naturál hosi Baucau, hanesan labarik ida moos ne’ebé naok iha 1999, durante asaun finál hosi okupante indonéziu.

Lori ba jhanesan refujiadu ba Atambua, illa sorin indonézio nian, no ikus mai tula ho ró military ida ba Makasar, ne’ebé hetan kuidadu hosi Fundasaun Izlámiku Ansar.

Moris hamutuk ho labarik sira seluk iha fatin akollimentu, Teresa hetan baku hela deit: la hatene reza no hanesan refujiadu ida hosi Timor-Leste, realidade dook ida hosi komunidade ne’ebé maka forsa, integra deit.

Muda ninia naran, agora hanesan Sity Alma, hanesan empregada doméstika no moris kuaze kilómetru 2.000 hosi Baucau, sidade Malili, iha Celebes.

Haree trailer hosi dokumentáriu iha vídeo tuirmai ne'e:

SAPO Timor-Leste ho Lusa

komentáriu sira