sinema

Clint Eastwood sei diriji filmi "The 15:17 to Paris"

SAPO TL, 21 de abril de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Realizador Clint Eastwood sei diriji filmi 'The 15:17 to Paris' kona-ba norte-amerikanu na'in tolu no britániku na'in ida ne'ebé kaer terorista na'in ida iha komboiu, hodi evita masakre ida, fó sai iha notísia loron-kinta ne'e.

Tuir fonte notísia hosi indústria entretenimentu nian, ‘Deadline’, Clint Eastwood adapta ona roteiru hosi livru “The 15:17 to Paris: The True Story of a Terrorist, a Train, and Three American Horses”, ne'ebé hakerek hosi Anthony Sadler, Alek Skarlatos, Spencer Stone ho Jeffrey Stern.

Eskritór datoluk uluk hanesan ema norte-amerikanu sira ne'ebé, hamutuk ho britániku Chris Norman, para ona mane armadu ida, ne'ebé halo viajen iha fulan-Agostu 2015 iha komboiu ida ho velosidade maka'as hosi rede “Thalis”, ne'ebé sai hosi Amesterdaun ba Paris.

Terorista, ema marokinu ho naran Ayoub El Kahzzani, tama iha komboiu iha Bruxelas ho metralladora ‘kalashnikov’ ida, karegador sira, pistola automátiku ida no tudik ida, no halo ema na'in rua kanek antes pasajeiru sira interompe nia no hafoin ne'e polísia kaer nia.

Filmi sei konta ho guiaun ida hosi Dorothy Blyskal ho Clint Eastwood, ne'ebé sei hanesan mós produtor ho Tim Moore, Kristina Rivera ho Jessica Meier.

Iha tempu badak realizador sei hili elenku hodi hahú filmajen sira iha tinan 2017 nia laran.

Clint Eastwood manán ona "Óscar" ba filmi di'ak liu no diretor di'ak liu ho “Million Dollar Baby” (2004) e “Unforgiven” (1992). Filmi ikus sira “Sully” (2016) ho “American Sniper” (2014) hanesan mós inspirasaun hosi akontesimentu real sira.

ho Lusa

komentáriu sira