sinema

Billy Porter halo istória nu'udar gay afro-amerikanu dahuluk manán Emmy iha Atór Di'ak Liu

SAPO TL, 23 de setembru de 2019

  • Billy Porter

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atór Billy Porter iha madrugada loron-segunda ne'e sai nu'udar gay afro-amerikanu dahuluk ne'ebé simu Emmy hosi Atór Di'ak Liu iha série dramátika hosi Akademia Televizaun Estadus Unidus nian, iha edisaun ba dala 71 hosi prémiu sira Emmy nian.

Iha kategoria feminina hanesan, laiha vitória istórika ne'ebé hein ona: bainhira Sandra Oh maka manán, sei sai hanesan atrís dahuluk ho orijen aziátika maka lori ba uma estatuera hosi Atríz Di'ak Liu iha série dramátika.

Maibé, Porter maka halo ona istória, bainhira hetan prémiu hosi papel Pray Tell ne'ebé nia interpreta iha série hosi kanal FX "Pose", ne'ebé nia asaun hatudu subkultura hosi komunidade LGBTQ iha Nova Iorke iha tinan 1980 nia rohan.

"Ema barak ajuda ona ha'u durante dalan ida naruk hodi to'o iha ne'e", hatete hosi Billy Porter iha diskursu vitória nian, hafoin afirma katak "ema hotu iha direitu" hodi la'o iha mundu ho senti katak pertense.

"Ami, nu'udar artista sira, hanesan sira ne'ebé maka muda estrutura molekular hosi fuan sira ho ema sira nia hanoin ne'ebé la'o iha Rai ne'e", nia afirma hodi hakotu ho pedidu ida ne'ebé maka repete beibeik hosi personalidade sira seluk durante serimónia: "halo favor, labele para hodi hatete lia-loos".

Hodi lori estatueta ba uma, Porter tenki halakon konkorente todan sira, inklui Kit Harington, hosi favorita "Game of Thrones", Jason Bateman, hosi "Ozark", Sterling K. Brown, hosi "This Is Us", Bob Odenkirk, hosi "Better Call Saul", ho Milo Ventimiglia, hosi "This is Us".

Iha kategoria hosi Atriz Di'ak liu iha série dramátika, Sandra Oh lakon ba nia ko-protagonista iha "Killing Eve", Jodie Comer, ne'ebé interpreta Villanelle iha série hosi BBC Amerika.

Comer hatudu hakfodak tebes ba vitória no hatete iha palku katak hanesan iha sorte tanba bele "fahe esperiénsia tomak ne'e" ho Sandra Oh, ne'ebé iha tinan liubá sai nu'udar atriz dahuluk ho orijen aziátiku ne'ebé maka nomeadu ba Emmy nu'udar Atriz Di'ak liu iha série dramátika.

Sira ne'ebé maka lakon maka hanesan "inan dragaun nian" Emilia Clarke, hosi "Game of Thrones", Viola Davis, hosi "How to Get Away With Murder", Laura Linney, hosi "Ozark", Mandy Moore, hosi "This Is Us", ho Robin Wright, ne'ebé la konsege ona Emmy iha temporada ikus hosi "House Of Cards".

Iha komédia, Phoebe Waller-Bridge maka manán estatueta ba Atríz Di'ak liu iha série "Fleabag", ne'ebé sai hanesan vensedor maka'as iha kalan ne'e.

Atríz repete ona diskursu ne'eb+e nia halo ba Emmy ne'ebé nia simu iha minutu balun antes ba Eskrita Di'ak liu iha série komédia nian, hodi hatete katak "reprezenta hanesan susar tebes no todan, maibé buat hotu hodi hetan ne'e".

Bill Hader hetan mós Emmy hosi Atór Di'ak Liu iha série komédia nian ho série "Barry" hosi HBO ne'ebé hanesan mós favorita ida hodi manán kategoria hosi Série Komédia Di'ak Liu maibé lakon ba "Fleabag".

Iha kategoria hosi Minisérie ka Filmi ba Televizaun, Emmy hosi Atór Di'ak Liu hetan hosi joven Jharrel Jerome, ne'ebé interpreta Korey Wise iha série Netflix nian "When They See Us". Hanesan dramatizasaun hosi istória loloos ida hosi joven na'in lima ne'ebé maka hetan kondenasaun tanba halo violasaun brutal ida iha Central Park no liutiha tinan 13 hetan libertasaun.

Entre nomeadu femininu sira, vitória hosi Atríz Di'ak liu iha Minisérie ka Filmi hetan hosi Michelle Williams no nia interpretasaun hosi Gwen Verdon iha "Fosse/Verdon", hosi kanal FX.

Edisaun ba dala 71 hosi prémiu sira Wmmy nian halo iha loron-segunda madrugada iha Los Angeles, Califórnia.

Fonte: Ajénsia Lusa

komentáriu sira