sinema

Ben Affleck husik realizasaun "Batman" nian

SAPO TL, 31 de janeiru de 2017

  • Ben Affleck

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atór halo komunikadu ida ne'ebé informa katak interpretasaun hosi super herói hanesan dezafiu ida ne'ebé eziji dedikasaun total hosi nia parte.

Ben Affleck halo komunikadu ida ne'ebé informa ona katak realizasaun hosi filmi ‘Batman’ sei laiha nia responsabilidade.

"Iha personajen balun ne'ebé okupa fatin espesial iha ema barak nia fuan. Fó moris ba papel ne'e eziji esforsu, paixaun no interpretasaun di'ak ne'ebé maka bele fó. Haree loloos duni katak ha'u labele halo serbisu rua ho nível ne'ebé sira husu", nia hahú hatete.

No komunikadu kontinua: "Hamutuk ho ekipa, ha'u desidi hetan parseiru ida hanesan realizador ne'ebé sei serbisu ho ha'u iha filmi boot ne'e. Ha'u sei halo nafatin parte hosi filmi, maibé agora daudaun ami buka hela realizador ida. Ha'u sei kompromete ho projetu ne'e no serbisu hodi halo sai realidade ba fã tomak iha mundu tomak", nia esklarese.

Antes, bainhira fó sai partisipasaun Ben Affleck nian adianta ona nia la'ós de'it hanesan realizador maibé mós hanesan guionista hamutuk ho Geoff Johns.

Iha entrevista ida ba Guardian, artista hatete ona katak ne'e hanesan dezafiu boot ida ba nia.

Fonte: NM (SAPO Lifestyle)

komentáriu sira