sinema

Atrís Cate Blanchett prezidi júri hosi festival sinema Cannes iha fulan-Maiu

SAPO TL, 05 de janeiru de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atrís australiana Cate Blanchett sei prezidi júri hosi Festival sinema Cannes ba dala 71, hosi loron 08 to'o 19 Maiu oinmai, fó sai hosi organizasaun iha loron-kinta ne'e.

Blanchett foin lalais ne'e lansa, hamutuk ho artista sira seluk hanesan Meryl Streep ho Natalie Portman, fundasaun "Time's Up" hodi tulun vítima sira hosi asédiu seksual, tanba iha kesar oioin kona-ba agresaun seksual hasoru produtor sinematográfiku norte-amerikanu Harvey Weinstein.

Atrís hanesan feto dala 12 maka prezidi júri hosi Cannes, liutiha tinan haat hafoin realizadora neo-zelandeza Jane Campion, no troka, ho tinan 48, sineasta españól Pedro Almodovar.

Júri ne'ebé prezidi hosi Almodovar fó ona Palma de Ouro ba sueku Ruben Ostlund tanba filmi "The Square".

Cate Blanchett, moris iha Melbourne (sudeste Austrália nian), manán ona Óscar rua, ho "Aviator" hosi Martin Scorsese (2005) no "Blue Jasmine" hosi Woody Allen (2014).

ho Lusa

komentáriu sira