sinema

António Banderas ho Melanie Griffith ninia kazamentu to'o ona rohan

Sapo TL, 09 de juñu de 2014

Atór na'in rua ne'e fahe malu hafoin moris hamutuk durante tinan 18.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Antonio Banderas ho Melanie Griffith desidi hakotu sira ninia kazamentu tinan 18, avansa hosi revista People, ne'ebé iha asesu ba dokumentu divórsiu nian. Atrís norte-amerikanu ho tinan 56 hato'o prosesu fahe malu nian iha tribunál iha loron-sesta liubá, ho razaun "diferense irekonsiliavel sira" no husu pensaun ida ba atór, nune'e mós kustódia ba sira ninia oan-feto, Stella del Carmen, ho tinan 17.

Kaben-na'in atór ne'e mosu hamutuk ba dala ikus iha fulan-Marsu, durante férias iha Bahamas. Hafoin ne'e atór españól ho tinan 53 halo viajen ba Málaga hodi pasa Semana Santa, hafoin ne'e mosu mesak iha Cannes no iha semana rua liubá mosu fali lahó ninia feen iha Grand Prix Mónako nian. Melanie iha nafatin Estadus Unidus no iha loron-kinta liubá asisti homenajen ba Jane Fonda durante gala American Film Institute Life Achievement.

Antonio Banderas ho Melanie Griffith koñese malu durante gravasaun sira filmi Two Much no hahú namora iha tinan 1995. Iha tinan 1996 halo kazamentu no liutiha fulan rua moris Stella. Atór ne'e antes kaben ho Ana Leza entre tinan 1986 to'o 1994. Ba Melanie ne'e sei sai hanesan divórsiu datolu, tanba antes kaben ho Banderas, nia kaben ona ho Steven Bauer (ninia oan-mane Alexander ninia aman) no ho Don Johnson (ninia oan-feto Dakota nia aman).

Sapo TL ho Caras

komentáriu sira