sinema

"1917" hosi Sam Mendes manán Golden Globe Awards ba filmi ho realizador di'ak liu

SAPO TL, 06 de janeiru de 2020

  • Sam Mendes

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Filmi sira "1917", hosi Sam Mendes, no "Once Upon a Time...in Hollywood", hosi Quentin Tarantino, sai hanesan vensedor sira hosi edisaun ba dala 77 hosi Golden Globe Awards, ne'ebé hamosu surpreza oioin iha serimónia iha loron-segunda madrugada ne'e iha Los Angeles.

Filmi "1917" hetan prémiu ho Golden Globe Awards ba Drama di'ak liu, halakon "Joker", "Marriage Story", "The Irishman" ho "The Two Popes", eskolla surpreza ida hosi Asosiasaun Krítika Estranjeiru iha Hollywood.

"1917" fó mós ba Sam Mendes estatueta hosi Realizador Di'ak liu, iha kategoria ne'ebé nomeia mós Martin Scorsese ho "The Irishman" no Quentin Tarantino.

"Hanesan susar halo filmi lahó estrela sira no ha'u hein atu ema sira sei ba haree iha sinema, ne'ebé hanesan fatin hodi halo hodi haree", hatete hosi Sam Mendes bainhira simu galardaun. "1917", ne'ebé estreia iha Portugal iha 23 Janeiru, halo hosi ator britániku na'in rua ne'ebé ladún koñesidu, George MacKay ho Dean-Charles Chapman.

"Once Upon a Time...in Hollywood" konfirma ona favoritizmu bainhira manán globu iha kategoria hosi Komédia ka Muzikal no fó mós ba Brad Pitt galardaun hosi Ator Sekundáriu Di'ak liu iha Komédia ka Muzikal no ba Quentin Tarantino prémiu ba Argumentu Di'ak Liu. Hosi nomeasaun lima, filmi manán tolu, rezultadu di'ak entre títulu sira ne'ebé nomeadu.

"Joker", hosi Todd Phillips, fó ona ba Joaquin Phoenix Globu Ator Di'ak liu iha filmi dramátiku no manán mós iha kategoria hosi banda sonora orijinal di'ak liu, fó prémiu ba kompozitora islandeza Hildur Guönadóttir.

Hosi lista surpreza sira nian iha vitória hosi filmi animasaun "Missing Link", hosi Laika Entertainment, halakon filmi koñesidu sira hosi Disney - "Frozen 2", Toy Story 4" ho "The Lion King" - no "How to Train Your Dragon: The Hidden World", hosi Universal ne'ebé maka hamosu komosaun maka'as iha serimónia.

Iha sentidu kontráriu, "The Irishman" hosi Martin Scorsese no ho Al Pacino la simu Globu Osan-Mean ida entre nomeasaun lima ne'ebé iha.

"Marriage Story", hosi Noah Baumbach, hanesan mós filmi ho nomeasaun barak (neen), sai de'it ho estatueta ida hosi serimónia, entrega ba Laura Dern iha kategoria hosi Atriz Sekundáriu.

Títulu rua hanesan hosi plataforma Netflix, ne'ebé la konfirma espetativa sira ne'ebé maka mosu hosi númeru nomeasaun sira nian ne'ebé simu ba edisaun hosi Golden Globe Awards ne'e: hosi total ida 17, manán de'it rua.

Iha televizaun, HBO, Hulu ho Amazon Prime maka domina ona. Série "Succession" hosi HBO simu Globu ne'ebé maka ema hotu buka hosi série dramátiku di'ak liu no nia protagonista Brian Cox, ne'ebé interpreta magnata Logan Roy, simu prémiu ba ator di'ak liu iha série dramátiku.

"Chernobyl", hosi mós HBO, konsidera ona hanesan série limitadu di'ak liu no Stellan Skarsgård manán globu ba ator sekundáriu iha série, série limitadu ka filmi ba televizaun.

Iha komédia, hanesan mós akontese iha prémiu sira Emmy nian, iha Setembru 2019, "Fleabag" hosi Amazon Prime sai hanesan série di'ak liu no Phoebe Waller-Bridge simu ona Globu ba atriz di'ak liu iha Komédia ka Muzikal.

Olivia Colman hetan prémiu tanba dezempeñu iha "The Crown", hosi Netflix, lori Globu ba Atriz Di'ak liu iha Série Dramátika, Patricia Arquette sai hanesan Atriz Di'ak liu iha Série Limitadu tanba "The Act" (Hulu) no Renée Zellweger sai hanesan Atriz Di'ak liu iha Filmi Dramátiku hosi "Judy".

Entre títulu sira ne'ebé la konsege hetan prémiu ruma maka iha "The Two Popes", "Knives Out" no "The Marvelous Ms. Maisel". "Parasite", hosi súl-koreanu Bong Joon-ho, manán ona iha kategoria hosi Filmi iha Lian Estranjeiru, tuir ona previzaun.

Fonte: Ajénsia Lusa

komentáriu sira