múzika

'Single' inéditu hosi kantor George Michael estreia iha kanal BBC

SAPO TL, 08 de setembru de 2017

  • George Michael

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

'Single' inéditu ida ne'ebé grava hosi múziku George Michael antes nia mate, iha fulan-Dezembru liubá, pasa iha iha loron-kinta ne'e, ba dala uluk, iha BBC Radio 2, kanal hosi kanal públiku britániku hosi rádio no televizaun, ne'ebé maka fó sai estreia iha loron ida antes.

Produtor Nile Rodgers, ne'ebé serbisu ho artista to'o momentu balun antes nia mate afirma ona, iha komentáriu ba BBC, katak hein atu knananuk ne'e halo Michael nia fã sira senti orgullu.

Tuir BBC, knananuk ne'e hanesan kahur ida ne'ebé nunka rona antes hosi knananuk "Fantasy", ne'ebé halo parte iha álbun "Faith", iha 1987.

Publisista Michael nian admiti katak knananuk ne'e tuir loloos inklui iha artista nia álbun iha 1990, "Listen Without Prejudice", maibé hafoin ne'e lakon tiha.

Maibé, George Michael, iha tinan liubá, husu ba Rodgers hodi kahur fali, tanba knananuk ne'e sei halo parte hanesan "single" prinsipal hosi re-edisaun "Listen Without Prejudice" nian, ne'ebé nia lansamentu marka ona ba loron 20 Outubru.

Iha mensajen ne'ebé publika hosi artista britániku nia feton sira, Melanie ho Yioda, iha nia pájina ofisial, sira afirma ona katak hakarak kontinua "fahe no desfruta legadu maravillozu [hosi irmaun nian]", hanesan "tuir nia hakarak". "Ami sei tenta nafatin respeita nia, mantén fiar ba ambisaun sira no intensaun sira [Michael] nian", sira hatete.

Rodgers hatete liuhosi Twitter, realsa katak nia senti "dúvida emosional" ida kona-ba knananuk foun ne'e, ne'ebé hamosu "tanis, dúvida, felisidade no domin".

Artista ne'ebé iha ona susesu sira hanesan "Freedom '90" (1990), "Last Christmas" ho "Wake me up before you go-go" - knananuk rua ne'ebé sai iha 1984 bainhira halo parte hosi Wham! ho Andrew Ridgeley - ne'ebé mate ona iha nia uma iha Oxfordshire (Inglaterra), iha loron 25 Dezembru 2016.

Autópsia, halo iha fulan-Marsu, konfirma ona katak múziku mate ona tanba kauza natural sira, ho tinan 53. Antes, polísia klasifika ona mate ne'e hanesan laiha esplikasaun hafoin rezultadu análize sira ne'ebé hatete katak inkonkluzivu.

Fonte: Lusa

komentáriu sira