múzika

Shania Twain lidera top sira ho disku foun

SAPO TL, 12 de outubru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

"Now" hanesan álbun daruak hosi Shania Twain ne'ebé konkista lideransa hosi top Billboard.

"From This Moment On", "Man! I Feel Like A Woman!" ka "You re Still The One" hanesan tema balun ne'ebé marka liu iha Shania Twain nia kareira. Liutiha tinan 15 edita "Up!", kantora fila fali ba mundu múzika nian ho disku "Now", ne'ebé konkista ona semana ne'e fatin dahuluk iha top Álbun 200 hosi Billboard.

Tuir informasaun ne'ebé fó sai hosi Nielsen Music, ne'ebé haktuir hosi revista, katak fa'an ona kópia hosi álbun kantora nian hamutuk rihun 137 iha semana lansamentu nian. Serbisu foun hosi artista ne'ebé manán ona prémiu Grammy lima rejista ona kuaze dobru hosi disku sira ne'ebé fa'an hosi Demi Lovato no Miley Cyrus.

Edita iha loron 29 Setembru liuhosi Mercury Nashville, "Now" hanesan Shania Twain nia álbun daruak ne'ebé maka konkista lideransa hosi top Billboard nian - ida uluk maka "Up!" iha 2002.

Ba dala uluk, Shania Twain la kolabora ho Mutt Lange, nia eis-laen no produtor. Iha serbisu foun ne'e, kantora serbisu ho Jake Gosling (Ed Sheeran, One Direction), Ron Aniello (Bruce Springsteen), Jacquire King (Kings of Leon) no ho kompozitor no produtor Matthew Koma.

Kantora, ne'ebé manán prémiu Grammy lima, hadook aan hosi múzika kleur tebes, la kanta ba públiku hahú iha 2006. Tristeza iha kazamentu, trauma iha pasadu no lakon nia lian halo Shania Twain tenki halo pauza ida hodi hahú fali dalan foun ida iha nia moris, hanesan nia konta iha série dokumental "Why Not? with Shania Twain" (2012).

Iha inísiu tinan 2011, artista fila fali ba estúdiu hodi hatán ba konviti hosi Lionel Richie, ne'ebé dezafia Shania Twain hodi grava knananuk "Endless Love". Iha inísiu, tanba tauk ne'ebé nia iha relasionadu ho nia lian, Shania rekuza oferta, maibé Lionel konsege konvense norte-amerikana ne'e.

Fonte: SAPO Mag

komentáriu sira