múzika

Sei halo leilaun ba David Bowie nia gravasaun dahuluk iha Setembru

SAPO TL, 23 de jullu de 2018

  • David Bowie (Foto: Maurizio Gambarini/EPA)

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

David Bowie nia gravasaun dahuluk ne'ebé, iha tinan barak nia laran, hanoin katak lakon tiha ona, deskobre fali "iha raga paun nian" no kalkula katak bele hetan euro rihun 10 resin iha leilaun, avansa hosi imprensa iha loron-segunda ne'e.

Gravasaun ne'e deskobre hosi David Hadfield, baterista antigu hosi Bowie nia banda dahuluk, iha nia uma, hamutuk ho material sira seluk hanesan livru sira, fotografia sira, imajen promosional sira, karta ho konta sira, iha raga ida paun nian ne'ebé maka pertense hosi nia avó-mane, hanesan fó sai iha notísia hosi jornal birtániku The Guardian.

Iha deklarasaun sira ne'ebé haktuir hosi leiloeira Omega Auctions, Hadfield konta ona katak gravasaun hosi The Konrads halo iha tinan 1963, bainhira grupu hakarak halo rejistu "ba instrumental balun hosi guitara no knananuk orijinal ida" ne'ebé nia tema tuir loloos maka “I Never Dreamed”.

"Ha'u desidi katak David hanesan ema di'ak ida hodi kanta no ha'u fó ba nia interpretasaun loloos. Nune'e, sai hanesan gravasaun dahuluk hosi David Jones [Bowie] iha tinan 55 liubá. (…) [Editora] Decca la simu ami, maibé ikusmai fó mai ami oportunidade iha tinan hanesan, vokalista Roger Ferris sai hanesan lian prinsipal no David kanta ona koru sira apoiu nian", afirma hosi David Hadfield.

David Robert Jones, moris iha tinan 1947, adopta ikusmai naran artístiku David Bowie, husik The Konrads iha tinan hanesan bainhira lansa nia disku dahuluk mesak iha tinan 1967.

Bowie mate iha tinan 2016, loron rua hafoin lansa tiha nia álbun ba dala 25, “Blackstar”.

Rekordasaun sira hosi Hadfield sei fa'an hosi Omega Auctions, iha Newton-Le-Willows, iha Reinu Unidu, iha fulan-Setembru.

Fonte: Ajénsia Lusa

komentáriu sira