múzika

Rita Redshoes iha selebrasaun ba tinan 15 Eskola Portugeza nian iha Díli

SAPO TL, 24 de outubru de 2017

  • Rita Redshoes

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Eskola Portugeza Ruy Cinatti iha Díli simu, iha loron-sábadu, konsertu ida hosi kantora portugeza Rita Redshoes iha ámbitu hosi atividade sira ne'ebé durante tinan ne'e no to'o loron 06 Dezembra asinala tinan 15 hosi instituisaun nian.

Konsertu gratuitu no diriji ba komunidade edukativu tomak hala'o iha eskola iha tuku 17:30 loron-sábadu.

Iha loron-domingu, no iha mós ámbitu hosi atividade hanesan, Fundasaun Oriente iha Díli simu mós aprezentasaun hosi filmi "Portuguese from Soho".

Dokumentáriu, ne'ebé estreia ona iha tinan liubá iha Museum Of Modern Art (MoMA), iha Nova Iorke, hosi autoria Ana Ventura Miranda no konta istória hosi prezensa portugeza nian iha bairu nova-iorkinu ne'e, iha sékulu liubá.

Rita Redshoes hanesan responsável ba soundtrack hosi filmi, ne'ebé nia narador hosi dokumentáriu maka eskritór José Luis Peixoto.

Ana Miranda hetan istória hosi komunidade deskoñesidu ne'e, iha Manhattan, bainhira nia muda ba Nova Iorke, no hasoru portugeza ida ne'ebé uluk hanesan na'in hosi prédiu ida hosi apartamentu sira iha Broome Street.

Autora hosi dokumentáriu deskobre ona katak prezensa portugeza nian hanesan boot tebes, no hafoin Funu Mundial Daruak, entre dékada sira 1960 no 1980, to'o iha família hamutuk 700 resin.

Iha nia pontu aas, komunidade iha mós eskola ida, igreja ho misa iha lian portugés, merkadu sira, ekipa sira futebol nian no klube rekreativu sira.

Ohin loron, reziste imigrante na'in 20 resin, nune'e mós merkadu ki'ik rua ne'ebé fa'an produtu portugés sira nian no imajen hosi Inan Feto Fátima nian ho Pastoriñu na'in tolu iha igreja ida nia oin.

ho Lusa

komentáriu sira