múzika

Rapper Jay-Z lidera nomeasaun sira hosi prémiu múzika Grammy

SAPO TL, 28 de novembru de 2017

  • Jay-Z

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Rapper Jay-Z lidera lista ba prémiu sira Grammy nian, ne'ebé fó hosi indústria norte-amerikanu, iha edisaun ida ne'ebé marka liuliu ho hip hop no R&B no ho nomeasaun hosi artista balun ne'ebé mate tiha ona.

Tuir lista nomeadu nian ne'ebé fó sai iha loron-tersa ne'e, ba edisaun dala 60 hosi Grammy, Jay-Z indika ba prémiu ualu, entre sira maka "Gravasaun tinan nian" ho "The story of O.J.", "Atuaasaun Tinan nian" ho "Álbun tinan nian" ho disku "4:44".

Bruno Mars tuir ho nomeasaun tolu tanba álbun "24K Magic", no rapper Kendrick Lamar (ho álbun "DAMN.") no múzika Childish Gambino (ho "Awaken my love!") mosu mós iha kategoria sira ne'ebé konsidera hanesan importante, hosi álbum, gravasaun ho atuasaun.

Aleinde artista na'in haat, ba "Álbun tinan nian", kompete mós kantora australiana Lorde, ho "Melodrama".

Tema "Despacito", hosi Luis Fonsi ho Daddy Yankee, ne'ebé simu foin lalais ne'e Grammy Latinu haat, nomeadu mós ba Grammy, iha kategoria tolu, maibé sira hotu iha versaun ne'ebé maka múziku sira grava ona ho kanadianu Justin Bieber.

Ba Grammy hosi "Álbun Di'ak liu hosi múzika alternativu" iha "Humanz", hosi Gorillaz, no disku haat seluk hosi artista sira ne'ebé ikus ne'e iha prezensa regular iha palku portugés sira: Everything now", hosi Arcade Fire, "American Dream", hosi LCD Soundsytem, "Pure Comedy", hosi Father John Misty, ho "Sleep well beast", hosi The National.

Hosi lista naruk hosi kategoria hamutuk 84, ne'ebé halibur jéneru múzika oioin, hosi jazz to'o múzika klásika, hosi gospel to'o audiolivru sira, destaka nomeasaun sira hosi múziku na'in rua ne'ebé mate ona - Chris Cornell ho Leonard Cohen -, na'in rua ne'e indika ba Grammy hosi "Atuasan Rock Di'ak Liu".

Serimónia Grammy nian marka ba loron 28 Janeiru iha Nova Iorke.

ho Lusa

komentáriu sira