múzika

Prinsipal prémiu múzika Alemaña nian suspensu tanba eskándalu antisemita

SAPO TL, 27 de abril de 2018

  • Foto@ Clemens Bilan/EPA

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Prinsipal prémiu anual hosi múzika nian iha Alemaña suspensu iha loron-kuarta ne'e tanba eskándalu antisemita ida, no asaun oioin solidariedade inan ho komunidade judaika akontese ona, hafoin insidente sira hanesan atake ba mane ida ne'ebé maka uza kippah.

Inísiu ida hosi manifestasaun ne'ebé maka sobu ona iha Berlin, hafoin organizador sira bolu "terorista" ba ema sira ne'ebé la'o no hafoin aranka tiha bandeira israelita ida.

Iha semana rua ikus ne'e, prémiu ne'ebé koñesidu liu hosi indústria múzika alemaun nian, ho naran "ECHO", envolve iha polémika ida, mosu hosi nia atribuisaun ba duplu rapper ida, Kollegah ho Farid Bang, iha kategoria hosi álbum hip-hop ne'ebé maka fa'an maka'as.

Iha kauza maka testu polémiku ida ne'ebé evoka "Shoah" (lian hebraiku hodi hatete Holokaustu), ne'ebé kantór ida refere ba nia isin "iha liu dezeñu duké prizioneiru sira hosi Auschwitz".

Iha múzika seluk, sira afirma katak halo Holokaustu foun ida no uza Molotov ida.

Hanesan sinal protestu nian, artista alemaun no estranjeiru barak, inklui maestro israelo-arjentinu Daniel Barenboim, devolve ona sira nia prémiu rasik.

Maibé, Federasaun hosi Indústria Alemaun Múzika nian anunsia ona iha loron-kuarta anulasaun hosi "ECHO" hodi labele sai hanesan "plataforma ida ba antisemitizmu, kontra feto sira, homofobia ka banalizasaun hosi violénsia".

Iha sekuénsia sira hosi insidente sira ne'e, editora BMG anunsia ona katak hakotu ona kontratu ho grupu.

Medida sira mosu iha loron ne'ebé iha komísiu oioin solidariedade nian ba komunidade judaiku ne'ebé maka organiza iha nasaun.

Inisiativu ne'e lansa ona, iha semana liubá, hafoin atake hosi refujiadu síriu ida ho tinan 19 ba mane ida ne'ebé uza Kippah, iha bairu ida iha Berlin.

Filma no divulga maka'as iha rede sosial sira, insidente ne'e hamosu ona ajitasaun iha nasaun ida ne'ebé sei iha lalatak hosi nia pasadu nazi. Kaer tiha ona atakante.

Fonte: Agência Lusa

komentáriu sira